کوئٹہ سے پشاور جانے والی مسافر بس کھائی میں جا گری، 40 افراد جاں بحق
Web Desk
3 July 2026
ژوب اور ڈیرہ اسماعیل خان کے درمیانی سرحدی علاقے دانا سر میں ایک خوفناک اور انتہائی افسوسناک ٹریفک حادثہ پیش آیا ہے، جہاں ایک تیز رفتار مسافر بس گہری کھائی میں گرنے کے نتیجے میں 40 افراد جاں بحق اور متعدد زخمی ہو گئے ہیں۔
ضلعی انتظامیہ کے مطابق، بدقسمت مسافر بس کوئٹہ سے پشاور جا رہی تھی کہ دانا سر کے مقام پر موڑ کاٹتے ہوئے بے قابو ہو کر کھائی میں جا گری۔ وزیراعلیٰ بلوچستان کے معاون شاہد رند نے تصدیق کی ہے کہ حادثے میں جاں بحق افراد کی تعداد 40 تک پہنچ گئی ہے جبکہ 8 شدید زخمیوں کو فوری طور پر ہسپتال منتقل کیا گیا ہے۔ انہوں نے ایک اہم انکشاف کرتے ہوئے بتایا کہ ابتدائی معلومات کے مطابق، حادثے کا شکار ہونے والی بس میں اس کے اپنے مسافروں کے علاوہ راستے میں خراب ہونے والی ایک دوسری بس کے مسافروں کو بھی سوار کیا گیا تھا، جس کی وجہ سے بس اوور لوڈ تھی۔
ڈپٹی کمشنر شیرانی ولی کاکڑ کے مطابق، حادثے کی اطلاع ملتے ہی ضلعی انتظامیہ اور ریسکیو اداروں کی ٹیمیں فوری طور پر جائے وقوعہ پر پہنچ گئیں اور امدادی سرگرمیوں کا آغاز کر دیا۔ انہوں نے بتایا کہ علاقہ انتہائی دشوار گزار اور پہاڑی ہے، جس کے باعث امدادی کارروائیوں میں سخت مشکلات کا سامنا کرنا پڑ رہا ہے، تاہم اس کے باوجود ریسکیو اہلکار کھائی سے لاشوں اور زخمیوں کو نکالنے میں مصروف ہیں۔ انتظامیہ صورتحال کی مسلسل نگرانی کر رہی ہے۔ دوسری جانب، محکمہ صحت کے حکام کا کہنا ہے کہ حادثے کی سنگینی کو دیکھتے ہوئے بلوچستان کے تمام قریبی ہسپتالوں میں فوری طور پر ایمرجنسی نافذ کر دی گئی ہے تاکہ زخمیوں کو بلا تاخیر طبی امداد فراہم کی جا سکے۔
صدرِ مملکت آصف علی زرداری نے ژوب شیرانی شاہراہ پر پیش آنے والے اس المناک بس حادثے پر گہرے دکھ اور رنج و غم کا اظہار کیا ہے۔ انہوں نے جاں بحق ہونے والے افراد کے درجات کی بلندی اور سوگوار خاندانوں کے لیے صبرِ جمیل کی دعا کی ہے۔ صدرِ مملکت نے متعلقہ تمام اداروں اور ہسپتال انتظامیہ کو سخت ہدایت جاری کی ہے کہ حادثے کے تمام زخمیوں کو ہر ممکن اور بہترین طبی سہولیات کی فراہمی کو یقینی بنایا جائے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026