پی ایس 30 خیرپور پر ضمنی انتخاب 16 اگست کو ہوگا، شیڈول جاری

الیکشن کمیشن آف پاکستان نے سندھ اسمبلی کے حلقہ پی ایس 30 (خیرپور 5) کے ضمنی انتخاب کا باقاعدہ شیڈول جاری کر دیا ہے، جس کے تحت حلقے میں پولنگ 16 اگست کو ہو گی۔

الیکشن کمیشن کی جانب سے جاری کردہ اعلامیے کے مطابق، ضمنی انتخاب میں حصہ لینے کے خواہشمند امیدوار 8 جولائی سے 10 جولائی تک اپنے کاغذاتِ نامزدگی متعلقہ ریٹرننگ آفیسر کے پاس جمع کرا سکیں گے۔

ترجمان الیکشن کمیشن نے بتایا کہ سندھ اسمبلی کی یہ نشست پیپلز پارٹی کے رہنما اور رکنِ صوبائی اسمبلی مرحوم نعیم احمد کھرل کے انتقال کے باعث خالی ہوئی تھی، جس پر اب قانون کے مطابق ضمنی انتخاب کرایا جا رہا ہے۔ شیڈول کے اجراء کے بعد حلقے میں سیاسی سرگرمیاں تیز ہو گئی ہیں۔