پٹرول کی قیمت 225 روپے فی لٹر کی جائے، حافظ نعیم الرحمان کا مطالبہ

امیر جماعت اسلامی حافظ نعیم الرحمان نے حکومت سے پرزور مطالبہ کیا ہے کہ عالمی منڈی میں تیل کی قیمتوں میں ہونے والی نمایاں کمی کا اصل فائدہ براہِ راست عوام تک منتقل کیا جائے اور ملک میں پٹرول کی قیمت فوری طور پر 225 روپے فی لٹر مقرر کی جائے۔

سماجی رابطے کی ویب سائٹ ‘ایکس’ (سابقہ ٹویٹر) پر جاری کردہ اپنے ایک اہم بیان میں حافظ نعیم الرحمان نے کہا کہ عالمی مارکیٹ میں خام تیل کی قیمتیں جنگ شروع ہونے سے پہلے کی سطح پر واپس آ چکی ہیں، لیکن اس کے باوجود پاکستان میں عوام کو اب بھی انتہائی مہنگا ایندھن فراہم کیا جا رہا ہے جو کہ ظلم ہے۔

امیر جماعت اسلامی نے وفاقی حکومت پر کڑی تنقید کرتے ہوئے الزام عائد کیا کہ حکومت عوام کو ریلیف دینے کے بجائے آئل مارکیٹنگ کمپنیوں کے مفادات کا تحفظ کر رہی ہے۔ انہوں نے واضح کیا کہ اس وقت پٹرولیم لیوی برقرار رکھنے کا کوئی قانونی اور اخلاقی جواز باقی نہیں رہا، اس لیے اسے فی الفور مکمل طور پر ختم کیا جائے۔

حافظ نعیم الرحمان نے اپنے بیان میں مزید مطالبہ کیا کہ پٹرولیم مصنوعات سستی کرنے کے ساتھ ساتھ ٹرانسپورٹ کے کرائے، کھانے پینے کی اشیا اور دیگر تمام ضروریاتِ زندگی کی قیمتیں بھی فوری طور پر 28 فروری کی سطح پر واپس لائی جائیں تاکہ مہنگائی کی چکی میں پسی ہوئی عوام کو حقیقی ریلیف مل سکے۔

پٹرول کی قیمت 225 روپے فی لٹر کی جائے، حافظ نعیم الرحمان کا مطالبہ

Web Desk

متعلقہ عنوانات

پی ایس 30 خیرپور پر ضمنی انتخاب 16 اگست کو ہوگا، شیڈول جاری

نیٹو پر سب سے زیادہ خرچ ہم کرتے ہیں، باقی ممالک امریکا پر انحصار چھوڑیں، ٹرمپ

گوجرانوالہ میں 4 سالہ بچی کو گھر والوں نے جادو کے چکر میں زندہ جلاکر مار ڈالا

ایئر چیف کا دورۂ بیلاروس، پاکستان دفاعی تعاون کے نئے مرحلے میں داخل

2027 سارک گیمز کی تیاریوں کے لئے سیکرٹریٹ قائم کرنے کا فیصلہ

سٹیٹ بینک کے زرمبادلہ ذخائر میں61 کروڑ 10 لاکھ ڈالر کا اضافہ

ای سی سی نے پاسکو کی مرحلہ وار بندش سے متعلق اہم فیصلوں کی منظوری دے دی