لاہور کاہنہ میں ٹیوشن سینٹر کی چھت گرنے سے ہلاکتیں؛ وزیر اعلیٰ نے نوٹس لے لیا
Web Desk
30 June 2026
وزیر اعلیٰ پنجاب مریم نواز نے لاہور کے علاقے کاہنہ میں ٹیوشن سینٹر کی چھت گرنے کے دلدوز حادثے کا سخت نوٹس لیتے ہوئے امدادی کارروائیاں ہنگامی بنیادوں پر تیز کرنے کی ہدایت جاری کر دی ہے۔
وزیر اعلیٰ مریم نواز نے انتظامیہ کو حکم دیا ہے کہ فوری طور پر تمام دستیاب وسائل بروئے کار لا کر امدادی کاموں کو تیز کیا جائے۔ انہوں نے متعلقہ ذمہ دار اداروں کے حکام اور صوبائی وزرا کو فوری طور پر جائے حادثہ پر پہنچنے اور اپنی نگرانی میں ریسکیو آپریشن مکمل کروانے کی سخت تاکید کی ہے۔
کاہنہ میں پیش آنے والے اس افسوسناک حادثے کی مزید تفصیلات کے مطابق، جس وقت ٹیوشن سینٹر کی چھت منہدم ہوئی، وہاں کلاس روم میں 35 بچے موجود تھے، جن میں سے اب تک 14 معصوم بچوں کے جاں بحق ہونے کی تصدیق ہو چکی ہے۔ ترجمان ریسکیو 1122 کے مطابق، ابتدائی تحقیقات سے معلوم ہوا ہے کہ حادثے کے وقت چھت پر تعمیراتی کام چل رہا تھا جو اس ہولناک واقعے کا سبب بنا۔ زخمی ہونے والے بچوں کی عمریں 4 سے 10 سال کے درمیان ہیں، جن میں سے 12 بچوں کو ٹی ایچ کیو (THQ) ہسپتال کاہنہ میں طبی امداد دی جا رہی ہے، جبکہ 2 بچوں کو جائے وقوع پر ہی ابتدائی طبی امداد فراہم کی گئی جن کی حالت اب خطرے سے باہر بتائی جاتی ہے۔ مٹی اور اینٹوں کے ملبے تلے دبے مزید 7 بچوں کو نکالنے کے لیے ریسکیو ٹیموں کا آپریشن تاحال تیز رفتاری سے جاری ہے۔ افسوسناک حادثے میں جاں بحق ہونے والے چند معصوم بچوں کے نام سامنے آ گئے ہیں، جن میں 16 سال کی خدیجہ، 7 سال کی ماہ نور، 7 سال کی رمشا، 5 سال کا مرتضیٰ، 6 سال کی تابشہ، 9 سال کا غلام نبی، 6 سال کا سلمان اور 8 سال کا فواد شامل ہیں۔ واقعے کے بعد جاں بحق اور زخمی بچوں کے گھروں میں قیامت کا منظر ہے اور پوری فضا سوگوار ہے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026