پانی کا بہاؤ روکنا جنگی جرم، بھارت سندھ طاس نظام پر ناانصافی کر رہا ہے: ڈاکٹر وکٹر گاؤ
Web Desk
30 June 2026
سینٹر فار چائنہ اینڈ گلوبلائزیشن کے نائب صدر ڈاکٹر وکٹر گاؤ نے بھارت کے جارحانہ رویے پر کڑی تنقید کرتے ہوئے کہا ہے کہ کروڑوں لوگوں کے لیے پانی کا بہاؤ روکنا جنگی جرم کے زمرے میں آتا ہے اور بھارت دریائے سندھ کے نظام کے حوالے سے پاکستان کے ساتھ مکمل طور پر ناانصافی کر رہا ہے۔
اسلام آباد میں سندھ طاس معاہدے (Indus Waters Treaty) سے متعلق منعقدہ بین الاقوامی سیمینار سے خطاب کرتے ہوئے ڈاکٹر وکٹر گاؤ نے کہا کہ اس اہم موضوع پر ہونے والے سیمینار میں شرکت ان کے لیے باعثِ اعزاز ہے۔ انہوں نے ماضی کے واقعات کا حوالہ دیتے ہوئے کہا کہ ایک سال قبل بھارت نے پاکستان کی جانب بہنے والے دریاؤں کا پانی روکنے کی دھمکیاں دینا شروع کیں، یہاں تک کہ بھارتی وزیراعظم نریندر مودی نے پبلکلی یہ بھی کہا تھا کہ دریائے سندھ کا ایک قطرہ پانی بھی پاکستان نہیں جانے دیا جائے گا۔
چینی ماہر نے بتایا کہ انہوں نے اس وقت بھی ایک بھارتی ٹی وی چینل کو انٹرویو دیتے ہوئے واضح کیا تھا کہ کسی بھی ملک کا پانی روکنے کی دھمکی دینا سراسر انسانیت کے خلاف جرم ہے۔ انہوں نے بھارت کو سخت الفاظ میں مخاطب کرتے ہوئے کہا کہ “دوسروں کے ساتھ وہ سلوک نہ کیا جائے جو کوئی اپنے لیے پسند نہیں کرتا۔”
ڈاکٹر وکٹر گاؤ نے مزید زور دیا کہ دریائے سندھ کے پورے نظام سے متعلق بھارت کا موجودہ طرزِ عمل اور یکطرفہ اقدامات انصاف کے تمام بنیادی تقاضوں کے منافی ہیں، لہٰذا اس سنگین معاملے کو محض دوطرفہ تنازع کے طور پر دیکھنے کے بجائے انسانی ہمدردی اور بین الاقوامی قانون (International Law) کے وسیع تر تناظر میں دیکھا جانا چاہئے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026