راولپنڈی بشریٰ بی بی کی فیملی سے ملاقات ختم، 22 مئی کے بعد پہلی بار دو گھنٹے تک تفصیلی بات چیت

پاکستان تحریک انصاف (پی ٹی آئی) کے بانی کی اہلیہ بشریٰ بی بی کی ان کی فیملی سے اہم ملاقات ختم ہو گئی ہے۔ ذرائع کے مطابق یہ ملاقات راولپنڈی میں کروائی گئی جو تقریباً دو گھنٹے تک جاری رہی۔

تفصیلات کے مطابق فیملی کی طرف سے بشریٰ بی بی کی بھابھی مبشرا مانیکا نے ان سے ملاقات کی اور ان کی خیریت دریافت کی۔ ملاقات کے دوران فیملی ممبرز نے بشریٰ بی بی کا حال احوال پوچھا اور مختلف امور پر گفتگو کی گئی۔

ذرائع کا کہنا ہے کہ گزشتہ ماہ 22 مئی کے بعد بشریٰ بی بی کی فیملی سے یہ پہلی باقاعدہ ملاقات تھی، جو طویل عرصے بعد ممکن ہو سکی ہے۔ مقررہ وقت ختم ہونے پر فیملی ممبرز واپس روانہ ہو گئے۔