LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

حکومت کو مذاکرات کے لیے ماحول بنانا ہوگا، ایک طرف سزائیں اور دوسری طرف بات چیت نہیں چل سکتی: چیئرمین پی ٹی آئی بیرسٹر گوہر خان کی میڈیا سے گفتگو

Web Desk

30 June 2026

پاکستان تحریک انصاف (پی ٹی آئی) کے چیئرمین بیرسٹر گوہر خان نے اڈیالہ روڈ پر میڈیا سے گفتگو کرتے ہوئے کہا ہے کہ حکومت کے ساتھ مذاکرات میں فی الحال کوئی پیش رفت نہیں ہوئی۔ انہوں نے کہا کہ وزیر اعظم نے قومی اسمبلی کے فلور پر مذاکرات کی دعوت دی ہے اور ہم بھی مانتے ہیں کہ سیاسی معاملات کا حل سیاسی طریقے سے ہی نکلنا چاہیے، لیکن اس کے لیے حکومت کو سازگار ماحول بنانا ہوگا۔ ایک طرف ہمارے لوگوں کو سزائیں سنائی جا رہی ہیں اور دوسری طرف مذاکرات کی باتیں ہو رہی ہیں، یہ دونوں چیزیں ساتھ نہیں چل سکتیں۔ بیرسٹر گوہر نے واضح کیا کہ اج بانی پی ٹی آئی سے ان کی ملاقات پی ٹی آئی کی اپنی درخواست پر ہوئی ہے۔

بانی پی ٹی آئی کی فیملی سے ملاقاتوں کے حوالے سے گفتگو کرتے ہوئے انہوں نے کہا کہ بانی پی ٹی آئی سے ملاقاتیں ہوں گی تو ہی ان کے مائنڈ سیٹ کا پتہ چلے گا، 36 ہفتے گزرنے کے باوجود ملاقات نہ ہونا تشویشناک ہے۔ انہوں نے بشریٰ بی بی کی فیملی سے ملاقاتوں کی تائید کرتے ہوئے کہا کہ گزشتہ ہفتے بھی بشریٰ بی بی کی ملاقات طے تھی لیکن فیملی کے نہ آنے کی وجہ سے نہ ہو سکی۔ بانی پی ٹی آئی کی بہنوں کے مطالبات پر بات کرتے ہوئے انہوں نے کہا کہ فیملی چاہتی ہے کہ تینوں بہنوں کی ملاقات کروائی جائے، حالات کے مطابق جو بھی ملاقات دستیاب ہو وہ ہونی چاہیے، تاہم وہ بہنوں کے بیانات پر پبلکلی کوئی کمنٹ نہیں کریں گے۔ انہوں نے بانی پی ٹی آئی کے علاج کے لیے فیملی کے ہسپتال منتقلی کے موقف کی بھی مکمل حمایت کی۔

چیئرمین پی ٹی آئی نے ایک ماہ قبل 26 نمبر چنگی پر احتجاج کے حوالے سے وضاحت کی کہ اس دوران انہوں نے کسی ملاقات کا کوئی پیغام نہیں دیا اور نہ ہی اس بارے میں کوئی بات چیت ہوئی، البتہ احتجاج سے قبل ایک بہن کی ملاقات کی اجازت سے متعلق بات ضرور ہوئی تھی۔

پارٹی کے اندرونی اختلافات پر افسوس کا اظہار کرتے ہوئے بیرسٹر گوہر خان نے کہا کہ پی ٹی آئی میں بانی پی ٹی آئی کا کوئی متبادل نہیں ہے اور پارٹی انہی کی وجہ سے چل رہی ہے۔ پارٹی رہنماؤں کی جانب سے آنے والے بیانات پر انہوں نے کہا کہ ایسے بیانات افسوسناک ہیں، پارٹی کے معاملات پارٹی کے اندر ہی ڈسکس ہونے چاہئیں نہ کہ میڈیا پر۔ انہوں نے سوشل میڈیا پر زہریلے پروپیگنڈے کی شدید مذمت کرتے ہوئے کہا کہ ہم ہر طرح کے منفی پروپیگنڈے کے خلاف ہیں، اگر بانی پی ٹی آئی سے ملاقاتیں باقاعدگی سے ہوں تو یہ پروپیگنڈا خود ہی ختم ہو جائے گا۔

ملکی سلامتی اور دہشت گردی کے خلاف جنگ پر بات کرتے ہوئے بیرسٹر گوہر نے دوٹوک موقف اپنایا کہ دہشت گردی ایک ناسور ہے جسے جڑ سے ختم ہونا چاہیے، حکومت اس حوالے سے جو بھی اقدامات کر رہی ہے ہم اس کی مکمل حمایت کرتے ہیں۔ انہوں نے پاک فوج کی قربانیوں کو سراہتے ہوئے کہا کہ فوج کی قربانیوں سے ہی ملک مضبوط ہوا ہے اور دہشت گردی کے خلاف کارروائیوں پر کسی قسم کی سیاست نہیں ہونی چاہیے۔