جامشورو میں 8 ماہ کی حاملہ خاتون کاروکاری کے نام پر قتل
Web Desk
29 June 2026
مانجھند کی یونین کونسل انڑپور میں غیرت کے نام پر قتل کی ایک ہولناک واردات سامنے آئی ہے، جہاں سسرالیوں نے کاروکاری کا الزام لگا کر 8 ماہ کی حاملہ خاتون کو فائرنگ کر کے بیدردی سے قتل کر دیا۔ پولیس ذرائع کے مطابق مقتولہ کی شناخت 30 سالہ خوشبو ماچھی کے نام سے ہوئی ہے، جسے اس کے گھر کے قریب ہی نشانہ بنایا گیا۔ فائرنگ کی اطلاع ملتے ہی پولیس نے فوری کارروائی کرتے ہوئے موقع پر پہنچ کر لاش کو قبضے میں لیا اور پوسٹ مارٹم کے لیے مانجھند اسپتال منتقل کر دیا۔ ابتدائی معلومات کے مطابق مقتولہ 8 ماہ کی حاملہ تھی، جس کے باعث فائرنگ سے پیٹ میں موجود بچہ بھی ضائع ہو گیا۔
وزیراعلیٰ سندھ سید مراد علی شاہ نے جامشورو (مانجھند) میں ہونے والے اس لرزہ خیز قتل کا سخت نوٹس لیتے ہوئے انسپکٹر جنرل (آئی جی) سندھ سے واقعے کی فوری اور تفصیلی رپورٹ طلب کر لی ہے۔ وزیراعلیٰ سندھ نے اپنے مذمتی بیان میں کہا کہ کاروکاری کے نام پر کسی معصوم کی جان لینا انتہائی وحشیانہ اور غیر انسانی اقدام ہے۔ مقتولہ خوشبو ماچھی کے پیٹ میں موجود 8 ماہ کے بچے کا قتل ایک دہرا اور ہولناک جرم ہے۔ انہوں نے پولیس کو سخت احکامات جاری کیے کہ مقتولہ کے قاتلوں کو بغیر کسی تاخیر کے فوری گرفتار کر کے قانون کے کٹہرے میں لایا جائے۔ مراد علی شاہ نے متاثرہ خاندان کو یقین دہانی کروائی کہ انہیں ہر صورت انصاف فراہم کیا جائے گا اور ایسے سنگین و وحشیانہ جرائم میں ملوث عناصر کسی بھی رعایت کے مستحق نہیں ہیں۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026