LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

شہریوں کی حفاظت ترجیح، حالیہ دہشتگرد حملوں کے بعد بڑی کارروائی کی: عطا تارڑ

Web Desk

28 June 2026

وفاقی وزیر اطلاعات و نشریات عطا تارڑ نے کہا ہے کہ پاکستان خطے میں امن کا خواہاں ہے، تاہم اپنے شہریوں کی جان و مال کی حفاظت حکومت کی اولین ترجیح ہے جس پر کسی قسم کا سمجھوتہ نہیں کیا جائے گا۔

سوشل میڈیا پلیٹ فارم ‘ایکس’ (سابقہ ٹوئٹر) پر جاری اپنے ایک اہم بیان میں وفاقی وزیر نے واضح کیا کہ نیشنل ایکشن پلان کے تحت وفاقی ایپکس کمیٹی سے منظور شدہ وژن “عزم استحکام” کے تحت سکیورٹی فورسز اور قانون نافذ کرنے والے اداروں کی دہشت گردی کے خلاف مہم پوری شدت کے ساتھ جاری رہے گی تاکہ بیرونی سرپرستی میں ہونے والی دہشت گردی کا مکمل خاتمہ کیا جا سکے۔ عطا تارڑ نے بتایا کہ حالیہ دنوں میں خیبر پختونخوا، بلوچستان اور کراچی میں پاکستان رینجرز سندھ کے کیمپ پر معصوم شہریوں کو نشانہ بنانے والے متعدد دہشت گرد حملوں کے بعد، سکیورٹی فورسز نے پاک افغان سرحد کے ساتھ ایک منظم، انٹیلی جنس پر مبنی زمینی آپریشن کیا۔ ان انتہائی درست اور محدود نوعیت کی کارروائیوں میں جماعت الاحرار اور فتنہ الخوارج سے تعلق رکھنے والے 29 خوارج کو جہنم واصل کیا گیا۔  وزیر اطلاعات کے مطابق یہ آپریشنز دو مراحل میں انجام دیے گئے ۔سکیورٹی فورسز نے ضلع باجوڑ میں پاک افغان سرحد کے قریب انٹیلی جنس بیسڈ آپریشن کیا۔ انتہائی مہارت سے کی گئی اس کارروائی میں اہم خوارجی کمانڈر خان فروش عرف زبال سمیت بھارتی پراکسی جماعت الاحرار سے تعلق رکھنے والے 3 دہشت گرد ہلاک اور متعدد زخمی ہوئے۔ آپریشن ’’غضب للحق‘‘ کے تسلسل میں مصدقہ انٹیلی جنس کی بنیاد پر سرحد کے اس پار پکتیا، پکتیکا اور کنڑ میں فتنہ الخوارج اور جماعت الاحرار کے دہشت گرد کیمپوں کو نشانہ بنایا گیا۔ ان تینوں اہداف کو کامیابی سے تباہ کیا گیا، جس کے نتیجے میں مزید 25 دہشت گرد ہلاک ہوئے اور وہاں موجود اسلحہ و گولہ بارود کا بڑا ذخیرہ بھی نیست و نابود کر دیا گیا۔ وفاقی وزیر اطلاعات نے اپنے بیان کے آخر میں اعادہ کیا کہ پاکستان نے ہمیشہ خطے میں امن اور استحکام کے لیے مخلصانہ کوششیں کی ہیں، لیکن جب بات ہمارے شہریوں کے تحفظ کی آئے گی تو ریاست پوری طاقت کے ساتھ جواب دے گی