LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

برطانوی محکمہ ٹرانسپورٹ کی ٹیم کا سیکیورٹی آڈٹ کیلئے اسلام آباد ایئرپورٹ کا اہم دورہ

Web Desk

28 June 2026

پاکستان سے برطانیہ کے لیے براہِ راست پروازوں کی بحالی کے سلسلے میں ایک اور اہم اور فیصلہ کن مرحلہ شروع ہو گیا ہے۔ برطانوی محکمہ ٹرانسپورٹ (DfT) کی ماہرین پر مشتمل ٹیم نے اسلام آباد انٹرنیشنل ایئرپورٹ کا اہم دورہ کیا اور وہاں سیکیورٹی انتظامات کا تفصیلی آڈٹ شروع کر دیا ہے۔

ڈان نیوز کے مطابق، برطانوی ٹیم نے اسلام آباد سے براہِ راست لندن جانے والی برطانوی ایئر لائن کی پرواز کا معائنہ کیا اور برطانیہ جانے والے مسافروں کی سیکیورٹی اسکریننگ کے عمل کی مکمل جانچ پڑتال کی۔  برطانوی ٹیم نے مسافروں کے چیک اِن (Check-in) کے عمل، بورڈنگ پاس کے اجرا کے نظام، امیگریشن اور ویزے کی جانچ پڑتال کے طریقہ کار کا باریک بینی سے آڈٹ کیا۔ پاکستان ایوی ایشن اتھارٹی (PAA) کے اعلیٰ افسران نے برطانوی وفد کو ایئرپورٹ سیکیورٹی اور آپریشنز کے حوالے سے تفصیلی بریفنگ دی، جس کے بعد پی اے اے اور برطانوی ٹیم مشترکہ طور پر آڈٹ کے عمل کو آگے بڑھا رہی ہیں۔ برطانوی محکمہ ٹرانسپورٹ کی یہ ٹیم 10 جولائی تک اپنا آڈٹ مکمل کر کے واپس روانہ ہو گی۔ یہ آڈٹ اسلام آباد ایئرپورٹ سے برطانیہ کے لیے براہِ راست پاکستانی پروازوں کی دوبارہ بحالی کے لیے انتہائی کلیدی حیثیت رکھتا ہے۔ جولائی 2020 میں پائلٹس لائسنس اسکینڈل سامنے آنے کے بعد پاکستان انٹرنیشنل ایئرلائنز (PIA) سمیت تمام پاکستانی ایئرلائنز پر برطانیہ میں پروازوں کی پابندی عائد کر دی گئی تھی۔

رواں ماہ برطانوی ایئر سیفٹی کمیٹی کا ایک اہم ترین اجلاس متوقع ہے، جس میں یہ برطانوی ٹیم پاکستان کے ایئرپورٹس اور ایئرلائنز کے حفاظتی انتظامات سے متعلق اپنی حتمی رپورٹ پیش کرے گی۔ امید ظاہر کی جا رہی ہے کہ اس رپورٹ کا جائزہ لینے کے بعد پاکستان پر عائد 5 سالہ فضائی پابندی ختم کر دی جائے گی، جس سے پاکستانی مسافروں کا دیرینہ مسئلہ حل ہو جائے گا۔