حافظ نعیم کی راجہ ناصر سے ملاقات، آزاد کشمیر کا مسئلہ افہام و تفہیم سے حل کرنے پر روز
Web Desk
28 June 2026
امیر جماعت اسلامی حافظ نعیم الرحمان اور سربراہ مجلس وحدت مسلمین (MWM) علامہ راجہ ناصر عباس کے درمیان اہم ملاقات ہوئی ہے، جس میں ملک کی مجموعی سیاسی صورتحال اور خاص طور پر آزاد کشمیر کے حالیہ معاملے پر تفصیلی تبادلہ خیال کیا گیا۔ ملاقات کے بعد جاری کردہ مشترکہ اعلامیہ کے مطابق دونوں رہنماؤں نے آزاد کشمیر کے مسئلے کو بات چیت اور افہام و تفہیم کے ذریعے پُرامن طور پر حل کرنے پر مکمل اتفاق کیا ہے۔
امیر جماعت اسلامی حافظ نعیم الرحمان نے ملاقات کے دوران گفتگو کرتے ہوئے کہا کہ ہماری اولین کوشش یہی ہے کہ آزاد کشمیر کے مسائل کو افہام و تفہیم سے حل کیا جائے۔ انہوں نے اس بات پر زور دیا کہ تمام سیاسی و مذہبی جماعتیں اس نکتے پر متفق ہیں کہ امن کو ہر صورت موقع دیا جانا چاہیے۔ حافظ نعیم الرحمان نے واضح کیا کہ آزاد کشمیر کے حوالے سے تمام تر بات چیت پاکستان کے آئینی اور قانونی فریم ورک کے اندر رہ کر ہی کی جائے گی۔ اس موقع پر مجلس وحدت مسلمین کے سربراہ علامہ راجہ ناصر عباس کا کہنا تھا کہ حکومت کو اس حساس معاملے پر سنجیدگی کا مظاہرہ کرنا چاہیے اور عوام کے زخموں پر مرہم رکھنا چاہیے۔ انہوں نے مزید کہا کہ کشمیری ہمارے بھائی ہیں، ہم ان کے مسائل اور حالات سے کسی صورت لاتعلق نہیں رہ سکتے۔ دونوں رہنماؤں نے حکومت پر زور دیا کہ طاقت کے استعمال کے بجائے مذاکرات کے ذریعے عوام کے جائز مطالبات کو تسلیم کیا جائے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026