LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

پاکستان میں 60 دن کے اندر ادویات پر بارکوڈ متعارف کرایا جائے گا، مصطفیٰ کمال

Web Desk

27 June 2026

وفاقی وزیر صحت سید مصطفیٰ کمال نے ملک میں جعلی ادویات کے تدارک اور فارما انڈسٹری میں جدت لانے کے لیے اگلے 60 دنوں کے اندر ادویات پر جدید ‘بارکوڈ سسٹم’ متعارف کرانے کا اعلان کر دیا ہے، جس کے لیے تمام تیاریاں مکمل کر لی گئی ہیں۔ پاک-چین بزنس ٹو بزنس فارما کانفرنس پاکستان فارماسیوٹیکل مینوفیکچررز ایسوسی ایشن (PPMA) کے دورے کے موقع پر تقریب سے خطاب کرتے ہوئے وفاقی وزیر صحت نے بتایا کہ پاکستان میں 17 اور 18 جولائی کو ایک اہم فارما کانفرنس ہونے جا رہی ہے۔ اس کانفرنس میں اب تک 150 مقامی فارما کمپنیوں نے رجسٹریشن کروا لی ہے، جبکہ چین کی 100 سے زائد نامور فارماسیوٹیکل کمپنیاں بھی اس میں شرکت کریں گی۔

وزیر صحت کا کہنا تھا “ہماری ترجیح پہلے دن سے یہ ہے کہ ہم صرف یادداشتوں (MoUs) تک محدود رہنے کے بجائے باقاعدہ ٹھوس معاہدوں پر جائیں۔ اس سلسلے میں پاک-چین کانفرنس سے قبل ہی ورچوئل میٹنگز کا سلسلہ شروع ہو جانا چاہیے۔”مصطفیٰ کمال نے انڈسٹری کی موجودہ صورتحال پر روشنی ڈالتے ہوئے کہا کہ پاکستان اس وقت اپنی ضرورت کی 85 فیصد ادویات خود بنا رہا ہے، لیکن ان ادویات کے لیے 99 فیصد خام مال (API) بیرونِ ملک سے درآمد کرنا پڑتا ہے، جس میں چین کا حصہ سب سے نمایاں ہے۔ انہوں نے اس بات پر زور دیا کہ خام مال کی درآمد ملکی معیشت پر ایک بڑا امپورٹ بل (درآمدی بوجھ) ہے، اور اب وقت آ گیا ہے کہ ہم پاکستان کے اندر خام مال خود تیار کریں تاکہ اس بوجھ کو کم کیا جا سکے۔ وفاقی وزیر نے ادویات کے معیار اور مارکیٹ میں پھیلے منفی تاثر پر گفتگو کرتے ہوئے کہا کہ عوام میں یہ پرسیپشن (رائے) پائی جاتی ہے کہ دبئی سے آنے والی سر درد کی دوا اثر کرتی ہے مگر مقامی دوا اثر نہیں کرتی، چاہے یہ رائے غلط ہی کیوں نہ ہو۔ انہوں نے اعتراف کیا کہ دنیا بھر میں جعلی ادویات کی صنعت اربوں ڈالر کی بلین انڈسٹری بن چکی ہے۔ اسی لیے حکومت اگلے 2 ماہ میں بارکوڈ سسٹم نافذ کرنے جا رہی ہے تاکہ ہر گاہک اور مریض اصل اور معیاری دوا کی شناخت خود کر سکے۔