حکومت کا پٹرولیم مصنوعات کی قیمتیں برقرار رکھنے کا فیصلہ

حکومت نے پٹرولیم مصنوعات کی قیمتوں میں کوئی تبدیلی نہ کرتے ہوئے انہیں موجودہ سطح پر برقرار رکھنے کا فیصلہ کیا ہے۔ وزارتِ خزانہ کی جانب سے جاری کردہ باضابطہ نوٹیفکیشن کے مطابق، پٹرول کی قیمت 299 روپے 50 پیسے فی لٹر جبکہ ہائی سپیڈ ڈیزل کی قیمت 311 روپے 47 پیسے فی لٹر پر برقرار رہے گی۔ واضح رہے کہ اس سے قبل 19 جون کو حکومت کی جانب سے پٹرولیم مصنوعات کی قیمتوں میں تاریخی کمی کی گئی تھی، جس میں پٹرول کی قیمت میں 74 روپے اور ہائی سپیڈ ڈیزل کی قیمت میں 67 روپے کی بڑی کٹوتی کر کے عوام کو بڑا ریلیف فراہم کیا گیا تھا۔