نوجوانوں کو منشیات کے ناسور سے بچانا ترجیح ہے: شہباز شریف
Web Desk
25 June 2026
وزیراعظم محمد شہباز شریف نے منشیات کے استعمال اور غیر قانونی سمگلنگ کے خلاف عالمی دن (26 جون 2026) کے موقع پر اپنے خصوصی پیغام میں کہا ہے کہ پاکستان اقوامِ عالم کے ساتھ مل کر اس معاشرتی برائی کے خاتمے کے لیے اپنے مشترکہ عزم کا اعادہ کرتا ہے اور اس مقصد کے لیے ہر ممکنہ اقدامات جاری رکھے گا۔
وزیراعظم نے کہا کہ یہ دن منشیات کے استعمال اور غیر قانونی سمگلنگ سے پیدا ہونے والے انسانی، معاشی اور معاشرتی نقصانات کو اجاگر کرنے کا بہترین موقع فراہم کرتا ہے۔ انہوں نے رواں سال کے موضوع ’’دیرینہ مسائل، نئے چیلنجز اور منشیات سے پاک مستقبل کے لیے اختراعی اقدامات‘‘ کا حوالہ دیتے ہوئے کہا کہ یہ تھیم عالمی سطح پر اس مسئلے کی سنگینی اور اس کے نئے پہلوؤں کی جانب توجہ مبذول کراتا ہے۔شہباز شریف نے واضح کیا کہ پاکستان منشیات کی مختلف اقسام، ان کی غیر قانونی ترسیل اور نوجوان نسل تک رسائی جیسے خطرات کا مقابلہ کرنے کے لیے پوری طرح پرعزم ہے۔ حکومت قومی استعداد کار میں اضافے، ادارہ جاتی ہم آہنگی اور بین الاقوامی شراکت داروں کے ساتھ تعاون کو مزید وسعت دے رہی ہے تاکہ منشیات کے غیر قانونی نیٹ ورکس کا جڑ سے خاتمہ ممکن بنایا جا سکے۔
ان کا کہنا تھا کہ نوجوان نسل کو منشیات کی لعنت سے محفوظ رکھنا حکومت کی اولین ترجیحات میں شامل ہے، اور اس مقصد کے حصول کے لیے ملک بھر کے تعلیمی اداروں کو منشیات سے پاک کرنا انتہائی اہم قدم ہے۔ اس سلسلے میں حکومتِ پاکستان صوبائی حکومتوں کے تعاون سے تعلیمی اداروں میں آگاہی اور بچاؤ کے پروگراموں کو وسعت دے رہی ہے، جبکہ متاثرہ افراد کے علاج اور بحالی کی سہولیات کو بھی عصری تقاضوں کے مطابق بہتر بنایا جا رہا ہے۔وزیراعظم نے اینٹی نارکوٹکس فورس (اے این ایف) کی خدمات کو شاندار الفاظ میں سراہتے ہوئے کہا کہ یہ ادارہ منشیات کی سمگلنگ کی روک تھام، طلب میں کمی، عوامی آگاہی اور متاثرہ افراد کے علاج و بحالی کے لیے انتہائی مؤثر اقدامات کر رہا ہے۔ انہوں نے قانون کے مؤثر نفاذ، روک تھام اور بحالی کے اقدامات پر بیک وقت توجہ دینے کو حکومت کی جامع حکمت عملی کا مظہر قرار دیا۔
وزیراعظم نے انسدادِ منشیات فورس کے شہداء کو گراں قدر خراجِ عقیدت پیش کرتے ہوئے کہا:”وطن کے تحفظ اور نسلِ نو کے مستقبل کے لیے اپنی جانوں کا نذرانہ پیش کرنے والے بہادر اہلکاروں کی قربانیاں ہمیشہ یاد رکھی جائیں گی اور پوری قوم ان پر فخر کرتی ہے۔”وزیراعظم شہباز شریف نے اپنے پیغام کے آخر میں والدین، اساتذہ، تعلیمی اداروں، سماجی رہنماؤں، میڈیا اور خود نوجوانوں سے پرزور اپیل کی کہ وہ منشیات کے خلاف اس قومی جدوجہد میں اپنا فعال اور متحرک کردار ادا کریں، کیونکہ آگاہی، روک تھام اور ایک صحت مند معاشرے کی تشکیل ہم سب کی مشترکہ قومی و اخلاقی ذمہ داری ہے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026