خواجہ سعد رفیق کے بیان پر شرجیل انعام میمن کا ردعمل سامنے آگیا
Web Desk
25 June 2026
کراچی: پاکستان مسلم لیگ (ن) کے رہنما خواجہ سعد رفیق کی جانب سے کراچی کے بلدیاتی نظام پر اٹھائے گئے سوالات کے بعد سندھ کے سینئر وزیر اور وزیرِ اطلاعات شرجیل انعام میمن کا سخت ردِ عمل سامنے آیا ہے۔ اپنے ایک تند و تیز بیان میں شرجیل انعام میمن نے خواجہ سعد رفیق کو مشورہ دیا کہ وہ دوسرے صوبوں کے جمہوری نظام پر انگلی اٹھانے سے پہلے پنجاب کے عوام کو یہ بتائیں کہ وہاں اب تک بلدیاتی انتخابات کیوں نہیں کرائے جا رہے۔ انہوں نے کہا کہ یہ انتہائی تعجب خیز اور دوہرے معیار کی سیاست ہے کہ پنجاب میں بلدیاتی انتخابات سے گریز کرنے والی جماعت کراچی کے آئینی اور قانونی طریقے سے مکمل ہونے والے جمہوری عمل پر تنقید کر رہی ہے۔ شرجیل میمن نے واضح کیا کہ کراچی میں بلدیاتی انتخابات قانون کے مطابق ہوئے جہاں عوام نے اپنا حقِ رائے دہی استعمال کر کے نمائندے منتخب کیے۔ انہوں نے زور دیا کہ پاکستان پیپلز پارٹی بااختیار بلدیاتی نظام اور عوامی مینڈیٹ پر کامل یقین رکھتی ہے، لہٰذا ن لیگ کو عوامی فیصلے پر اعتراض کرنے کے بجائے جمہوری روایات کا احترام کرنا چاہیے اور جمہوریت کے استحکام کے لیے پنجاب کے عوام کو بھی ان کا آئینی حق دینا چاہیے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026