ایرانی صدر کی خطے کے امن میں کردار ادا کرنے پر پاکستان کی تعریف

ایرانی صدر مسعود پزشکیان نے خطے میں امن و استحکام کے لیے پاکستان کے کلیدی کردار کو سراہتے ہوئے کہا ہے کہ پاکستان نے علاقائی امن کے لیے انتھک کوششیں کی ہیں۔

سوشل میڈیا پر جاری اپنے ایک بیان میں ایرانی صدر نے کہا کہ وہ مفاہمتی یادداشت پر پاکستان کی کامیاب ثالثی کا شکریہ ادا کرنے کے لیے اسلام آباد کا دورہ کر رہے ہیں۔ دورے کے دوران انہوں نے پاکستانی قیادت کے ساتھ انتہائی مثبت اور تعمیری ماحول میں مشاورت کی۔

ایرانی صدر مسعود پزشکیان نے بتایا کہ اسلام آباد میں انہوں نے اپنے بھائیوں یعنی صدر مملکت آصف علی زرداری، وزیراعظم شہباز شریف اور فیلڈ مارشل عاصم منیر سے تفصیلی ملاقاتیں کیں۔ ان ملاقاتوں میں پاک-ایران دوطرفہ تعلقات کو مزید مضبوط بنانے، تجارتی و اقتصادی تعاون کو وسعت دینے اور علاقائی سلامتی کے امور پر تفصیلی گفتگو کی گئی۔ انہوں نے دونوں ممالک کے درمیان تعاون کو مزید فروغ دینے کے عزم کا بھی اعادہ کیا