LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

اسحاق ڈار اور چینی وزیر خارجہ کا رابطہ، اسلام آباد مفاہمتی یادداشت پر تبادلہ خیال

Web Desk

24 June 2026

نائب وزیراعظم اور وزیر خارجہ سینیٹر اسحاق ڈار اور چین کے وزیر خارجہ وانگ ای کے درمیان ایک اہم ٹیلیفونک رابطہ ہوا ہے، جس میں امریکہ اور ایران کے مابین جاری امن عمل، برگن اسٹاک میں ہونے والے اعلیٰ سطحی مذاکرات اور تاریخی ‘اسلام آباد مفاہمتی یادداشت’ (Islamabad MoU) پر تفصیلی تبادلہ خیال کیا گیا۔ ترجمان دفتر خارجہ کے مطابق، گفتگو کے آغاز میں سینیٹر اسحاق ڈار نے وانگ ای کو چینی کمیونسٹ پارٹی (CCP) کے قیام کی 105ویں سالگرہ کے موقع پر دلی مبارکباد پیش کی۔

ٹیلیفونک گفتگو کے دوران دونوں رہنماؤں نے امریکہ اور ایران کے درمیان جاری امن عمل، بالخصوص برگن اسٹاک میں پاکستان اور قطر کی مشترکہ ثالثی میں منعقد ہونے والے اعلیٰ سطحی مذاکرات کے پہلے دور کی کامیابی پر تفصیلی بات چیت کی۔ اسحاق ڈار نے چینی ہم منصب کو آگاہ کیا کہ ان کامیاب مذاکرات کے نتیجے میں ‘اسلام آباد مفاہمتی یادداشت’ کے تحت ثالثی کے پورے عمل کی نگرانی کے لیے ایک اعلیٰ سطحی کمیٹی قائم کر دی گئی ہے۔

نائب وزیراعظم نے چینی وزیر خارجہ کو مزید بتایا کہ اس سلسلے میں 3 خصوصی ورکنگ گروپس بھی تشکیل دیے گئے ہیں، جو بالترتیب جوہری معاملے، عائد پابندیوں، اور نگرانی و تنازعات کے پائیدار حل پر اپنی توجہ مرکوز کریں گے۔ ان ورکنگ گروپس کا بنیادی مقصد آئندہ 60 روز کے اندر دونوں فریقوں (واشنگٹن اور تہران) کے درمیان ایک حتمی اور جامع معاہدے تک پہنچنے کی راہ ہموار کرنا ہے۔

اسحاق ڈار نے خطے میں امن کے قیام کے لیے چین کی مستقل اور غیر متزلزل سفارتی حمایت پر بیجنگ کا شکریہ ادا کیا، اور بالخصوص چینی صدر شی جن پنگ کی جانب سے پیش کردہ 4 نکاتی امن منصوبے اور پاکستان و چین کے مشترکہ 5 نکاتی امن اقدام کو زبردست الفاظ میں سراہا۔ دوسری جانب، چینی وزیر خارجہ وانگ ای نے ایران امریکہ ثالثی کے عمل کی کامیاب قیادت اور اسلام آباد مفاہمتی یادداشت پر دستخط کو پاکستان اور اس کی اعلیٰ قیادت کی ایک تاریخی اور غیر معمولی کامیابی قرار دیتے ہوئے نائب وزیراعظم اسحاق ڈار کو خصوصی مبارکباد پیش کی