پاکستان خطے کے امن کیلئے تعمیری کردار ادا کرنے کیلئے تیار ہے: ترجمان دفتر خارجہ
Web Desk
24 June 2026
اسلام آباد: ترجمان دفتر خارجہ طاہر حسین اندرابی نے ہفتہ وار نیوز بریفنگ کے دوران ایران اور امریکہ کے درمیان جاری امن عمل میں پاکستان کی ثالثی اور تعمیری کردار عالمی برادری کی پذیرائی کا خیرمقدم کیا ہے۔ انہوں نے کہا کہ پاکستان خطے میں دیرپا امن و استحکام کے قیام کے لیے اپنا فعال اور تعمیری کردار ادا کرنا جاری رکھے گا۔
ترجمان نے تفصیلات بتاتے ہوئے کہا کہ سوئٹزرلینڈ کے شہر برگن سٹاک میں ایران اور امریکہ کے درمیان پاکستان کی ثالثی میں مذاکرات منعقد ہوئے، جس میں پاکستان کے ساتھ قطر نے بھی بطور ثالث شرکت کی۔ ان مذاکرات میں پاکستان کی نمائندگی وزیراعظم شہباز شریف اور آرمی چیف فیلڈ مارشل سید عاصم منیر نے کی۔
ایٹمی معاملات سے متعلق امور کا جائزہ لینا ہے۔ ایران پر عائد پابندیوں اور منجمد اثاثوں کی بحالی پر کام کرنا ہے۔خطے میں جاری کشیدگی اور لبنان کی صورتحال پر کام کرنا ہے۔
ترجمان نے مزید بتایا کہ تکنیکی ٹیمیں فریقین کے ساتھ مسلسل رابطے میں ہیں اور پاکستان متعدد ممالک کی جانب سے اس ثالثی کوششوں کی حمایت اور ستائش کو قدر کی نگاہ سے دیکھتا ہے۔
ترجمان دفتر خارجہ نے ایرانی صدر مسعود پزشکیان کے حالیہ ایک روزہ دورۂ پاکستان کا حوالہ دیتے ہوئے کہا کہ انہوں نے صدر آصف علی زرداری اور وزیراعظم شہباز شریف سے ملاقاتیں کیں، جس میں دوطرفہ تعلقات کو نئی بلندیوں پر لے جانے کا عزم دہرایا گیا۔ اس کے علاوہ، 21 جون کو پاکستان، مصر، سعودی عرب اور ترکیہ کے وزرائے خارجہ کے اجلاس میں بھی برگن سٹاک مذاکرات اور اسلام آباد ایم او یو پر تبادلہ خیال کیا گیا۔ ایک سوال کے جواب میں ترجمان نے تصدیق کی کہ صومالیہ کوسٹ پر پاکستانی شہریوں کو یرغمال بنایا گیا ہے۔ انہوں نے واضح کیا کہ دفتر خارجہ ان پاکستانیوں کی بحفاظت بازیابی کے لیے صومالی حکام کے ساتھ مسلسل رابطے میں ہے اور تمام تر وسائل بروئے کار لائے جا رہے ہیں۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026