میاں بیوی ساتھ نہ رہنے کے باوجود بھی خاتون حق مہر کی حقدار، لاہور ہائیکورٹ
Web Desk
24 June 2026
لاہور: لاہور ہائیکورٹ نے عائلی قوانین کے حوالے سے ایک انتہائی اہم اور تاریخی فیصلہ سناتے ہوئے قرار دیا ہے کہ رخصتی نہ ہونے یا میاں بیوی کے ایک ساتھ نہ رہنے کے باوجود بھی خاتون اپنے حق مہر کی مکمل حقدار ہے۔ عدالتِ عالیہ نے خلع کی صورت میں حق مہر کی واپسی سے متعلق پیدا ہونے والے ابہام کو دور کرتے ہوئے ایک بڑا قانونی نکتہ طے کر دیا ہے۔ لاہور ہائیکورٹ کے معزز جج جسٹس مرزا وقاص رؤف نے سائلہ اذکا آفرین کی درخواست پر 9 صفحات پر مشتمل تفصیلی تحریری فیصلہ جاری کیا۔
عدالت نے اپنے تحریری فیصلے میں واضح کیا کہ رخصتی نہ ہونے یا میاں بیوی کے مابین ازدواجی تعلق قائم نہ ہونے سے مہر کا قانون اور اس کی اہمیت ختم نہیں ہوتی۔ اگر نکاح نامے میں مہر کی ادائیگی کا کوئی مخصوص وقت یا شرط درج نہ ہو، تو وہ پورا مہر فوری طور پر (عندالطلب) دینا ہوگا۔ مہر کی تفصیل واضح نہ ہونے پر قانون کے مطابق سارا مہر خاتون کی جانب سے جب بھی مانگا جائے، تب ہی واجب الادا مانا جائے گا۔ موجودہ کیس کے مطابق نکاح نامے میں لکھا گیا 10 تولہ سونا، ایک کنال زمین اور مکان فوری ادائیگی والا مہر (مہرِ معجل) ہے۔
عدالتِ عالیہ نے خلع کے ذریعے شادی ختم کرنے کی صورت میں مہر کی واپسی کا درج ذیل طریقہ کار واضح کیا ہے خلع (عورت کی طرف سے شادی ختم کرنے) کی صورت میں خاتون مہر کا صرف 25 فیصد حصہ شوہر کو واپس کرنے کی پابند ہے۔خلع کی بنیاد پر شادی اس صورت میں فوری طور پر ختم تصور ہوگی بشرطیکہ خاتون مہر کا یہی 25 فیصد حصہ شوہر کو لوٹا دے۔
لاہور ہائیکورٹ نے اس اہم کیس میں ماتحت عدالتوں کی قانونی غلطی اور فیصلے کو دور کرتے ہوئے متاثرہ خاتون اذکا آفرین کی درخواست کو مکمل طور پر منظور کر لیا۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026