نادرا کی اپیل منظور،ماتحت عدالتوں کے شناختی کارڈ بحال کرنے کے فیصلے کالعدم قرار
Web Desk
24 June 2026
لاہور: لاہور ہائیکورٹ نے دو شہریوں کے شناختی کارڈ بحال کرنے سے متعلق ٹرائل کورٹ کا فیصلہ کالعدم قرار دیتے ہوئے نیشنل ڈیٹا بیس اینڈ رجسٹریشن اتھارٹی (نادرا) کی اپیل منظور کر لی ہے۔ جسٹس محسن اختر کیانی نے نادرا کی اپیل پر 14 صفحات پر مشتمل تفصیلی فیصلہ جاری کیا۔ عدالتِ عالیہ نے اپنے فیصلے میں واضح طور پر قرار دیا ہے کہ ماتحت عدالتیں شہریت سے متعلق مقدمات کو نمٹاتے ہوئے قومی سلامتی کے انتہائی حساس معاملات کو بھی لازمی مدِ نظر رکھیں۔ تفصیلی فیصلے میں شہریت کی تصدیق اور ثبوت کے حوالے سے درج ذیل اہم ترین قانونی نکات وضع کیے گئے ہیں شہریت ثابت کرنے کی قانونی ذمہ داری نادرا پر نہیں بلکہ دعویٰ کرنے والے شخص پر خود عائد ہوتی ہے۔ متعلقہ شخص کو اپنے والد اور دادا کی پاکستانی شہریت کے ٹھوس شواہد پیش کرنا ہوں گے۔ سنہ 1979ء سے پہلے کا سرکاری ریکارڈ شہریت کے تعین میں بنیادی اور کلیدی اہمیت رکھتا ہے۔ پیدائش کا سرٹیفکیٹ، پرانا شناختی کارڈ، پاسپورٹ، ڈومیسائل اور تعلیمی اسناد کو بھی بطور ثبوت پیش کیا جا سکتا ہے۔
عدالتِ عالیہ نے نوٹ کیا کہ موجودہ کیس میں دعویدار خالد خان اور عطا اللہ 1979ء سے پہلے کا کوئی بھی قابلِ اعتماد سرکاری ریکارڈ پیش کرنے میں ناکام رہے۔ نادرا کی مشترکہ ویری فکیشن کمیٹی کی رپورٹس کو اہم قرار دیتے ہوئے فیصلے میں کہا گیا کہ ماتحت عدالتوں نے دستیاب شواہد اور قانونی تقاضوں کا درست جائزہ نہیں لیا تھا۔ اسپیشل برانچ، آئی ایس آئی (ISI) اور انٹیلیجنس بیورو (IB) کی رپورٹس میں بھی ان افراد کی پاکستانی شہریت ثابت نہیں ہو سکی تھی، جس کی بنیاد پر ان کے شناختی کارڈ مشکوک شہریت کے باعث بلاک کیے گئے تھے اور مشترکہ کمیٹی نے ان کے خاندان کو غیر ملکی قرار دیا تھا۔
عدالت نے مزید رولنگ دی کہ شہریت کے معاملات محض شناختی کارڈ کے اجراء کا نہیں بلکہ قانونی حیثیت کا سوال ہیں، اور یہ تنازعات ‘پاکستان سٹیزن شپ ایکٹ’ اور ‘نادرا قوانین’ کے تحت ہی طے ہوں گے۔ ایسے معاملات میں براہِ راست سول دعویٰ یا رٹ پٹیشن قابلِ سماعت نہیں ہو سکتی جب نادرا ویری فکیشن بورڈ اور وفاقی حکومت کے متبادل قانونی فورمز پہلے سے موجود ہوں؛ چنانچہ پہلے نادرا کے قانونی فورمز سے رجوع کرنا لازم ہے۔ عدالت نے ماتحت عدالتوں کے فیصلے یکسر کالعدم قرار دیتے ہوئے متاثرہ افراد کو ہدایت کی ہے کہ وہ 30 روز کے اندر نادرا ویری فکیشن بورڈ سے رجوع کریں، جبکہ بورڈ قانون کے مطابق 60 روز کے اندر اس معاملے پر حتمی فیصلہ کرنے کا پابند ہوگا۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026