ایرانی صدر مسعود پزشکیان کو ‘سی پی ایس پی’ کی جانب سے اعزازی فیلوشپ ڈگری سے نواز دیا گیا

اسلام آباد میں منعقدہ ایک پروقار تقریب کے دوران ایرانی صدر مسعود پزشکیان کو کالج آف فزیشنز اینڈ سرجنز پاکستان (سی پی ایس پی) کی جانب سے اعزازی فیلوشپ ڈگری سے نوازا گیا ہے۔ ایرانی صدر کو یہ اعزاز صحتِ عامہ، طبی تعلیم، طبی تحقیق اور معاشرتی خدمات کے اعتراف میں خاص طور پر شعبۂ جراحیِ قلب (Cardiac Surgery) میں دیا گیا ہے۔ اس اہم تقریب میں وزیراعظم شہباز شریف اور فیلڈ مارشل عاصم منیر سمیت ملک کی اعلیٰ سیاسی و عسکری شخصیات نے شرکت کی۔ اس اعزازی فیلوشپ کا بنیادی مقصد پاکستان اور ایران کے درمیان طبی تعلیم کے فروغ، میڈیکل اداروں کے باہمی روابط کو سدھارنے، تحقیقی تعاون بڑھانے اور فیکلٹی و ممتحنین کے تبادلوں کو ممکن بنانا ہے، جس سے دونوں برادر ممالک کے شعبۂ صحت میں تعاون مزید مضبوط ہونے کی واضح توقع ہے۔