LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بچوں کے استحصال میں ملوث افراد کیلئے نیا ایکٹ لائیں گے: مریم نواز سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک

پنکی کیس میں پردہ نشینوں کے نام ہیں لیکن کچھ بھی نہیں ہوگا,سردار لطیف کھوسہ

Web Desk

22 June 2026

قومی اسمبلی کے اہم ترین اجلاس کے دوران اپوزیشن کے سینیئر رہنما اور ممتاز قانون دان سردار لطیف کھوسہ نے وزارتِ داخلہ کی کارکردگی اور بجٹ پر کڑی تنقید کرتے ہوئے ایک انتہائی جارحانہ اور جذباتی خطاب کیا ہے۔

انہوں نے وزیرِ داخلہ محسن نقوی، ویگو ڈالوں کے کلچر، بیوروکریسی کے حد سے بڑھے اختیارات اور ملک کی موجودہ سیاسی و عسکری صورتحال پر کھل کر بات کی۔

 انہوں نے واضح کیا کہ وزارتِ داخلہ کے فنڈز تو بے پناہ بڑھا دیے گئے ہیں لیکن کاش وہ عملی طور پر کوئی کام بھی کریں۔ ان کا کہنا تھا کہ “ریاست کام سے چلتی ہے، بندوق کی گولی سے نہیں، طاقت کا اصل سرچشمہ عوام ہیں اور عوام کے بغیر ریاست ایک لاش کی مانند ہے”وزیرِ داخلہ محسن نقوی کا نام لیے بغیر طنز کرتے ہوئے انہوں نے کہا کہ ان کو پہلے کرکٹ کی تباہی کا ذمہ دار بنایا گیا، اب نائب وزیراعظم بنایا جا رہا ہے اور پھر شاید وزیراعظم بھی بنا دیا جائے۔ انہوں نے اپنے ذاتی واقعے کا ذکر کرتے ہوئے کہا کہ لاہور میں ان کے بیٹے پر دن دیہاڑے فائرنگ کی گئی لیکن وزارتِ داخلہ ملزمان کا پتہ چلانے میں مکمل ناکام رہی۔ انہوں نے شکوہ کیا کہ “کیا اب میں بھی دہشت گرد ہوں اور بیرسٹر گوہر بھی دہشت گرد ہے؟ آپ پہلے وزارتِ داخلہ کی کارکردگی تو بتائیں”۔ انہوں نے وزیرِ دفاع خواجہ آصف کے حالیہ بیان کی تائید کرتے ہوئے کہا کہ خواجہ آصف نے بالکل ٹھیک کہا تھا کہ یہ ڈالے ختم کر دینے چاہئیں۔ انہوں نے سوال اٹھایا کہ کیا وزارتِ داخلہ ان ویگو ڈالوں کو واپس نہیں لے سکتی؟ دس دس ڈالے لے کر گھومنے والے عام شہریوں کا خون چوس رہے ہیں، اگر کسی کو اتنے ہی شدید سیکیورٹی خطرات ہیں تو وہ اپنے خرچے پر پرائیویٹ سیکیورٹی رکھ لے۔ انہوں نے بیوروکریسی کے بڑھتے ہوئے اثر و رسوخ پر وارننگ دیتے ہوئے کہا کہ کہیں یہ بیوروکریسی خود وزیرِ دفاع کی ہی چھٹی نہ کرا دے۔ اس کے علاوہ انہوں نے مشہورِ زمانہ ‘پنکی کیس’ کا تذکرہ کرتے ہوئے دعویٰ کیا کہ اس کیس میں بڑے بڑے پردہ نشینوں کے نام شامل ہیں لیکن حقیقت میں کچھ بھی نہیں ہوگا۔