سپرنٹنڈنٹ اڈیالہ کا بشریٰ بی بی سے فیملی، ذاتی معالج کی ملاقات سے انکار
Web Desk
12 May 2026
اسلام آباد ہائیکورٹ میں سابق خاتونِ اول بشریٰ بی بی کی اپنی فیملی اور ذاتی معالج سے ملاقات کی درخواست پر سماعت کے دوران اڈیالہ جیل انتظامیہ نے ملاقاتیں کروانے سے صاف انکار کر دیا ہے۔ سپرنٹنڈنٹ جیل نے عدالت میں پیش کی گئی رپورٹ میں ملاقاتوں کے بعد ہونے والی سیاسی گفتگو اور سوشل میڈیا بیانات کو اس فیصلے کی بنیاد قرار دیا ہے۔جسٹس ارباب محمد طاہر کے روبرو سماعت کے دوران سپرنٹنڈنٹ اڈیالہ جیل ساجد بیگ نے رپورٹ پیش کی جیل حکام کا موقف ہے کہ بشریٰ بی بی سے ملاقات کے بعد باہر آکر سیاسی گفتگو کی جاتی ہے جو کہ جیل قوانین کی خلاف ورزی ہے۔ رپورٹ میں بشریٰ بی بی کی بہن مریم ریاض وٹو کے ٹویٹس کو بطور ثبوت شامل کیا گیا ہے، جس میں جیل انتظامیہ کے مطابق ملاقاتوں کے حوالے سے سیاسی بیانیہ ترتیب دیا گیا۔ ایڈووکیٹ جنرل نوید ملک نے عدالت کو بتایا کہ جیل میں 7 ہزار 200 قیدی موجود ہیں اور تمام امور ‘پریزن مینجمنٹ انفارمیشن سسٹم’ کے تحت جیل مینوئل کے مطابق چلائے جاتے ہیں۔
جسٹس ارباب طاہر نے ریمارکس دیے کہ عدالت اس حساس معاملے پر جلد بازی میں فیصلہ نہیں کرنا چاہتی بلکہ پورے طریقہ کار کو سمجھ کر قانونی بنیادوں پر حکم جاری کرے گی۔ عدالت نے درخواست گزار کے وکلاء اور سرکاری وکلاء کو ہدایت کی کہ وہ آئندہ سماعت پر جیل رولز کو مدنظر رکھ کر تفصیلی دلائل دیں۔
کیس کی مزید سماعت 14 مئی تک ملتوی کر دی گئی ہے، جس میں بشریٰ بی بی کی بیٹی مبشرہ مانیکا کی جانب سے دائر کردہ درخواست پر حتمی بحث متوقع ہے۔
متعلقہ عنوانات
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026
مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس
19 November 2026
اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ
19 November 2026
سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا
19 November 2026
فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور
19 November 2026
دھی رانی پروگرام: خانیوال میں 182 جوڑوں کی اجتماعی شادیاں
19 November 2026
کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن
19 November 2026
بھارتی پروازوں کیلئے پاکستانی فضائی حدود کی بندش میں توسیع، نوٹم جاری
19 November 2026