راولپنڈی میں15روز کیلیے دفعہ 144نافذ، اڈیالہ اور اطراف کا علاقہ ریڈزون قرار

راولپنڈی میں 15 روزکےلیے دفعہ 144 نافذ کردی گئی۔اڈیالہ جیل اور اس کے اطراف کا علاقہ ریڈ زون قرار دے دیا گیا۔
ڈپٹی کمشنر حسن وقار چیمہ کی جانب سے جاری کردہ نوٹفکیشن کے مطابق پیر کی رات بارہ بجے سے نافذالعمل دفعہ 144 کے تحت اڈیالہ جیل اور حساس تنصیبات کے اطراف پابندیاں عائد رہیں گی۔

نوٹی فکیشن کے مطابق ہر قسم کے جلسے، جلوس، دھرنوں، ریلیوں اوراحتجاج پر پابندی عائدکردی گئی ہے۔اسلحہ، لاٹھیاں، غلیل، پٹرول بم اور دھماکا خیز مواد لے جانے پر پابندی ہوگی۔
پولیس کی جانب سے لگائی گئی رکاوٹیں ہٹانے کی کوشش بھی ممنوع قراردی گئی۔ڈپٹی کمشنر راولپنڈی کے مطابق دفعہ 144 کا نفاذ ڈسٹرکٹ انٹیلی جنس کمیٹی کی سفارش پر کیا گیاہے۔