ایک ہفتے میں عمران خان کا علاج اورملاقات نہ ہوئی توپارلیمنٹ نہیں چلنے دینگے، محموداچکزئی
Web Desk
11 May 2026
قومی اسمبلی میں اپوزیشن لیڈر محمود خان اچکزئی نے حکومت کو الٹی میٹم دیتے ہوئے کہاہے کہ ایک ہفتے میں عمران خان کا درست علاج نہ ہوا اور ملاقاتیں نہ کرائی گئیں تو پارلیمنٹ کو نہیں چلنے دیں گے۔
قومی اسمبلی کے اجلاس میں خطاب کے دوران انہوں نے کہا کہ آٹھ فروری کو نوجوان طبقے نے آپ کے سارے پلان الٹ دئیے، عوام نے تحریک انصاف کو ووٹ دئیے مگر جیتنے والی جماعت کو اقلیت میں بدل دیا گیا۔
انہوں نے کہا کہ یہ پارلیمنٹ خرید و فروخت سے وجود میں آئی ہے، اس کے باوجوداپوزیشن نے ایوان کوچلانے کی کوشش کی مگر حکومت اپوزیشن کو اس ایوان کو نہ چلنے دینے کی طرف دھکیل رہی ہے۔
انہوں نے کہا کہ عمران خان کی ملاقاتوں پر پابندی رہی تو ہم سے گلہ نہ کیاجائے کہ پارلیمنٹ کو نہیں چلنے دیا جارہا، چیئرمین پی ٹی آئی بیمار ہیں توانہیں اسپتال منتقل کیوں نہیں کیا جاتا؟ ایک ہفتے میں بانی چیئرمین کا علاج کرائیں اور ملاقات کرائیں اگر ایک ہفتے میں عمران خان کو علاج اور ملاقات کی اجازت نہ دی تو یہ ایوان پھر نہیں چلے گا۔
محمود خان اچکزئی نے کہا بلوچستان سے لے کر کے پی تک بغاوت کی فضا ہے، دونوں صوبوں میں ڈرونز استعمال کیے جارہے ہیں، آئیں نواز شریف سمیت سب مل کر بیٹھیں اور کم سے کم نکات پر اتفاق کریں۔
ان کا کہنا تھا کہ ایک اور آئینی ترمیم کی تیاری ہورہی ہے، اس ڈوبتی کشتی کو بچا لیں، پاکستان کو کچھ ہوا تو ذمہ دار نواز شریف، آصف علی زردای، مولانا فضل الرحمن اور بلاول بھٹو زرداری ہوں گے۔
متعلقہ عنوانات
بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ
19 November 2026
مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس
19 November 2026
اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ
19 November 2026
سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا
19 November 2026
افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی
19 November 2026
فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور
19 November 2026
دھی رانی پروگرام: خانیوال میں 182 جوڑوں کی اجتماعی شادیاں
19 November 2026
روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن
19 November 2026