سعودی وزیرخارجہ کا ڈار سے رابطہ، خطے میں امن کیلیے پاکستان کی کوششوں کی حمایت کی یقین دہانی

سعودی وزیرخارجہ شہزادہ فیصل بن فرحان نے نائب وزیراعظم ووزیرخارجہ  اسحاق ڈار سے ٹیلی فونک رابطہ کیا اورخطے کی صورتحال پر تبادلہ خیال کیا۔

سعودی وزیرخارجہ نے خطے میں امن واستحکام کےلیے پاکستان کے کردار کوسراہا۔اورسفارتی کوششوں کی مکمل حمایت کی یقین دہانی کرائی۔ انہوں نے ایران اورامریکاکے رابطوں کے تناظر میں پاکستان کے تعمیری کردار پر اطمینان کا اظہارکیا۔

اسحاق ڈار اور سعودی وزیر خارجہ کے درمیان باہمی دلچسپی کے امور پر بھی گفتگوہوئی۔جبکہ آبنائے ہرمز سمیت بحری سلامتی یقینی بنانے کی اہمیت پر اتفاق کیاگیا۔

دونوں رہنماؤں نےعلاقائی و عالمی پیش رفت پر قریبی رابطے جاری رکھنے کا فیصلہ کیا اورخطے میں امن و استحکام کے فروغ کے لیے مشترکہ کوششیں جاری رکھنے پر زوردیا۔