حکومت اور اپوزیشن میں رابطے، وزیراعظم کی محمود خان اچکزئی کو مذاکرات کی دعوت

حکومت نے سیاسی تعطل ختم کرنے کے لیے ایک بار پھر اپوزیشن کو مذاکرات کی دعوت دے دی ہے۔ ذرائع کے مطابق وزیراعظم نے اپوزیشن لیڈر محمود خان اچکزئی کو ملاقات کا پیغام بھیجا، تاہم انہوں نے وزیراعظم آفس یا ہاؤس میں ملنے سے معذرت کرتے ہوئے کسی غیر جانبدار مقام پر ملاقات کی تجویز دی ہے۔ ابتدائی اطلاعات کے مطابق محمود خان اچکزئی نے وفاقی وزیر رانا ثناء اللہ کی رہائش گاہ پر ملاقات پر آمادگی ظاہر کی ہے۔ اس اہم ملاقات میں ملک کی مجموعی سیاسی صورتحال کے علاوہ چیف الیکشن کمشنر اور دیگر ممبران کی تقرری جیسے کلیدی معاملات پر تبادلہ خیال متوقع ہے۔