پنجاب میں موسمِ گرما کی تعطیلات کا اعلان

پنجاب کے وزیر تعلیم رانا سکندر حیات نے صوبے بھر کے تمام سکولوں میں موسمِ گرما کی تعطیلات کا باقاعدہ اعلان کر دیا ہے۔ محکمہ تعلیم کے جاری کردہ اعلامیے کے مطابق، شدید گرمی اور ہیٹ ویو کے خدشات کے پیشِ نظر تمام تعلیمی ادارے 22 مئی بروز جمعہ سے 23 اگست تک بند رہیں گے۔ تدریسی عمل کا دوبارہ آغاز 24 اگست بروز پیر سے ہوگا۔ حکام کا کہنا ہے کہ یہ فیصلہ طلبہ اور اساتذہ کو موسمی شدت سے محفوظ رکھنے اور ان کی صحت و سلامتی کو یقینی بنانے کے لیے کیا گیا ہے۔