امریکاسے مذاکرات کےلیے ایران کاجواب پاکستان کو مل گیا، وزیراعظم  شہبازشریف کی تصدیق

وزیراعظم شہباز شریف نے مذاکرات کے لیے امریکی تجاویزپر ایران کا جواب پاکستان کوموصول ہونے کی تصدیق کردی ہے۔

اسلام آباد میں تقریب میں خطاب کے دوران وزیراعظم شہباز شریف نے ایران سے جواب ملنے کی تصدیق کی اور بتایا کہ فیلڈ مارشل سید عاصم منیر نے انہیں آگاہ کیا ہے کہ ایران کی جانب سے امریکا کے لیے جواب پاکستان کو موصول ہوگیا ہے۔

اس سے پہلے ایرانی میڈیا نے بتایاتھاکہ  کہ ایران نے جنگ کے خاتمے کے لیے امریکا کی نئی تجاویز کا جواب پاکستان کو بھیج دیا ہے اور مجوزہ منصوبے کے مطابق مذاکرات کے موجودہ مرحلے میں صرف خطے میں جاری کشیدگی کے خاتمے پر مکمل توجہ مرکوز ہے۔

امریکا اور ایران نے 28 فروری کو شروع کی گئی جنگ تقریباً 40 روز بعدپاکستان کی ثالثی پر روک دی تھی اور اس حوالے سے اسلام آباد میں دونوں فریقین کے درمیان براہ راست مذاکرات بھی ہوئے تھے۔

اسلام آباد میں مذاکرات کا حتمی نتیجہ برآمد نہیں ہوا تھا تاہم فریقین نے تجاویز کا تبادلہ جاری رکھا اور امریکی صدر ڈونلڈ ٹرمپ نے پاکستان کی درخواست پر جنگ بندی میں غیرمعینہ مدت تک توسیع کردی تھی۔