پنجاب، کےپی، کشمیر اورگلگت میں گرج چمک کے ساتھ بارش، ژالہ باری کاالرٹ جاری

نیشنل ڈیزاسٹر مینیجمنٹ اتھارٹی نے آئندہ 12 سے 24 گھنٹوں کے دوران  پنجاب، خیبرپختونخوا، آزادکشمیراورگلگت کے علاقوں میں گرج چمک کے ساتھ بارش اورژالہ باری کا الرٹ جاری کردی۔

این ڈی ایم اے کے مطابق پنجاب کے مختلف اضلاع میں تیز ہواؤں اور گرج چمک کے ساتھ بارش کا امکان ہے جبکہ چند مقامات پر ژالہ باری متوقع ہے۔

اسلام آباد،مری، راولپنڈی، اٹک، چکوال، تلہ گنگ، گوجر خان، جہلم، سیالکوٹ، نارووال، لیہ، گجرات، گوجرانوالہ، حافظ آباد، منڈی بہاؤالدین، لاہور، قصور،میانوالی،سرگودھا، جھنگ اورملتان کے علاقوں میں گرج چمک کے ساتھ بارش متوقع ہے۔

جاری کردہ الرٹ میں بتایاگیاہے کہ گلگت، اسکردو، گھانچے، ہنزہ، نگر، غذر، دیامر، استور، شگر،کھرمنگ، مظفرآباد، نیلم ویلی، باغ، حویلی، پونچھ، راولاکوٹ، کوٹلی، میرپور اور بھمبر میں بارش کا امکان ہے۔

خیبرپختونخوا کے مختلف اضلاع میں بھی تیز ہواؤں اور گرج چمک کے ساتھ  بارش کا امکان ظاہرکیاگیاہے۔۔ان علاقوں میں چترال، دیر، سوات، کالام، مینگورہ، ملاکنڈ، بٹگرام، مانسہرہ، ایبٹ آباد، ہری پور، نوشہرہ، پشاور، مردان، باجوڑ، چارسدہ، کوہاٹ، کرک، بنوں، لکی مروت، ٹانک اور ڈیرہ اسماعیل خان شامل ہیں۔ خیبرپختونخوا کے بعض مقامات پر ژالہ باری کا بھی خدشہ ظاہرکیاگیاہے۔

این ڈی ایم اے کے مطابق بڑھتے درجہ حرارت کے باعث گلیشیئرز اور برف پگھلنے سے گلیشیائی جھیل پھٹنے، سیلابی ریلوں اور لینڈ سلائیڈنگ کا خدشہ ہے۔ اس لیے شہری گلیشیائی جھیلوں کے قریب جانے اور پر خطر ڈھلوانوں پر قیام سے اجتناب کریں۔

این ڈی ایم اے نے متعلقہ اداروں کو الرٹ رہنے اور پیشگی اقدامات کی ہدایت کی ہے۔