ریڈ کراس و ریڈ کریسنٹ کا عالمی دن انسانیت، اتحاد اور ہمدردی کا پیغام ہے: مریم نواز

وزیراعلیٰ مریم نواز شریف نے ریڈ کریسنٹ کے عالمی دن پر اپنے خصوصی پیغام میں اس تحریک سے وابستہ رضاکاروں کی بے لوث خدمات کو سراہتے ہوئے انہیں مبارکباد پیش کی ہے۔ انہوں نے کہا کہ امسال “United in Humanity” کے عنوان سے منایا جانے والا یہ دن انسانیت، اتحاد اور ہمدردی کی اہمیت کو اجاگر کرتا ہے۔ وزیراعلیٰ کا کہنا تھا کہ موسمیاتی تبدیلیوں اور قدرتی آفات جیسے چیلنجز کے دوران ہلالِ احمر جیسی تنظیموں کا کردار کلیدی ہے، جبکہ حکومت عوامی مسائل کے حل کے لیے ایک منظم اور جامع نظام کے قیام کے لیے کوشاں ہے۔