عوامی شکایات کا ازالہ چیئرمین بلاول بھٹو زرداری کے وژن کے مطابق کیا جا رہا ہے، سمعتا افضال سید

رکن سندھ اسمبلی و ترجمان حکومتِ سندھ سمعتا افضال سید نے وزیراعلیٰ پبلک کمپلینٹ سیل کا دورہ کیا، جہاں انہوں نے شہریوں کی شکایات خود سنیں اور متعلقہ حکام کو شکایات کی نوعیت کے مطابق فی الفور کارروائی کا حکم دیا۔ انہوں نے واضح کیا کہ عوامی شکایات کا ازالہ چیئرمین بلاول بھٹو زرداری کے وژن اور وزیراعلیٰ سندھ سید مراد علی شاہ کی ہدایات کے مطابق کیا جا رہا ہے۔ ان کا مزید کہنا تھا کہ حکومتِ سندھ کا مقصد صرف شکایات سننا نہیں بلکہ ان کا پائیدار حل نکالنا ہے تاکہ عام آدمی کو اس کی دہلیز پر انصاف اور ریلیف فراہم کیا جا سکے۔