امریکہ اور ایران میں معاہدہ جلد متوقع، پاکستان کا پانی کوئی چوری نہیں کر سکتا: دفتر خارجہ

ترجمان دفترِ خارجہ طاہر حسین اندرابی نے ہفتہ وار پریس بریفنگ کے دوران بتایا کہ پاکستان، امریکہ اور ایران کے درمیان جاری معاملات کے حل کے لیے پرامید ہے، تاہم انہوں نے دونوں فریقین کے درمیان ہونے والے پیغامات کے تبادلے کی تفصیلات بتانے سے گریز کیا۔ ترجمان نے مزید کہا کہ آج ‘معرکہ حق’ کی پہلی سالگرہ منائی جا رہی ہے، جس کے حوالے سے 5 مئی کو نائب وزیراعظم نے سفارتی کور کو بریفنگ بھی دی تھی۔ آبی ذخائر کے حوالے سے بات کرتے ہوئے انہوں نے واضح کیا کہ پاکستان کا ایک قطرہ پانی بھی کوئی چوری نہیں کر سکتا اور سندھ طاس معاہدے سے متعلق تمام آپشنز حکومت کے زیرِ غور ہیں۔