قومی دفاع میں فضائیہ کا کردار تاریخی، سرینگر سے بھٹنڈا تک سبق سکھایا: ایئرچیف

ایئر چیف مارشل ظہیر احمد بابر سدھو نے کہا ہے کہ قومی دفاع میں پاک فضائیہ کا کردار تاریخی ہے جسے سنہری الفاظ میں لکھا جائے گا۔ انہوں نے انکشاف کیا کہ معرکہ حق کے دوران پاک فضائیہ نے بھارت کے نام نہاد ناقابلِ تسخیر ‘ایس 400’ ایئر ڈیفنس سسٹم کو لمحوں میں تباہ کر دیا اور دنیا کے سرفہرست لڑاکا طیاروں کو خاک میں ملا دیا۔ ایئر چیف کے مطابق، پہلگام فالز فلیگ آپریشن کے بعد بھارت نے پاکستان پر بے بنیاد الزامات لگائے تھے، جس کا پاک فضائیہ نے بھرپور اور منہ توڑ جواب دیتے ہوئے دشمن کی سائبر سکیورٹی، الیکٹرانک اور فضائی صلاحیتوں کو مفلوج کر دیا۔