قوم کا اتحاد سب سے بڑی طاقت، مسئلہ کشمیر حل کیے بغیر امن ممکن نہیں: اسحاق ڈار

نائب وزیراعظم اسحاق ڈار نے معرکہ حق کا ایک سال مکمل ہونے پر قوم اور افواجِ پاکستان کے افسروں و جوانوں کو سلام پیش کرتے ہوئے کہا ہے کہ فیلڈ مارشل کی قیادت میں ہماری افواج نے دشمن کو فیصلہ کن جواب دیا۔ انہوں نے بتایا کہ اس معرکے کے دوران بھارتی جنگی طیاروں سمیت مختلف عسکری اہداف کو نشانہ بنایا گیا، جبکہ فعال سفارتکاری کے ذریعے عالمی سطح پر پاکستان کا مؤقف بھرپور انداز میں پیش کیا گیا۔ اسحاق ڈار نے واضح کیا کہ جنوبی ایشیا میں امن کا قیام مسئلہ کشمیر کے اقوامِ متحدہ کی قراردادوں کے مطابق حل کے بغیر ممکن نہیں۔ انہوں نے اس عزم کا اعادہ کیا کہ پاکستان اپنی سالمیت پر کبھی سمجھوتہ نہیں کرے گا اور ہر جارحیت کا جواب پوری قوت سے دیا جائے گا۔