معرکہ حق نے قوم کو اعتماد اور قوت دی، دفاع پر کوئی سمجھوتہ نہیں کیا جائے گا: افواجِ پاکستان

آئی ایس پی آر کے مطابق، مسلح افواج نے معرکہ حق کے ایک سال مکمل ہونے پر اپنے پیغام میں کہا ہے کہ اس معرکے نے دشمن پر پاکستان کی فیصلہ کن صلاحیت اور جنگی تیاریوں کو ثابت کر دیا ہے۔ اعلامیے میں واضح کیا گیا کہ پاک فضائیہ جدید ٹیکنالوجی، اسمارٹ سسٹمز اور ملٹی ڈومین آپریشنز میں مہارت کے باعث ایک موثر اور فیصلہ کن قوت کے طور پر ابھری ہے۔ افواجِ پاکستان نے اس عزم کا اعادہ کیا کہ کسی بھی قسم کی جارحیت کا جواب پہلے سے زیادہ طاقت اور درستگی کے ساتھ دیا جائے گا۔ پاکستان نے خود کو ایک امن پسند ملک قرار دیتے ہوئے واضح کیا کہ اس کی ہر عسکری تیاری کا محور خطے میں استحکام اور سلامتی کا فروغ ہے۔