عدالت نے ون کانسٹی ٹیوشن ایونیو کیس کا تحریری فیصلہ جاری کر دیا

چیف جسٹس اسلام آباد ہائی کورٹ محمد سرفراز ڈوگر کی جانب سے جاری کردہ تحریری فیصلے میں سی ڈی اے (CDA) کے 8 مارچ 2023 کے لیز منسوخی کے آرڈر کو قانونی قرار دیا گیا ہے۔ عدالت نے بی این پی لمیٹڈ کی ایگزیکیوشن پٹیشن خارج کرتے ہوئے واضح کیا کہ کمپنی سپریم کورٹ کی جانب سے مقرر کردہ مالیاتی شرائط، بالخصوص 2022 کی قسط کے 2.916 ارب روپے جمع کرانے میں ناکام رہی۔ فیصلے میں مزید کہا گیا کہ پٹیشنر نے سپریم کورٹ کے دیے گئے ‘لائف لائن’ موقع سے فائدہ نہیں اٹھایا، اس لیے سی ڈی اے کی کارروائی قانون کے مطابق ہے۔ عدالت نے انویسٹرز (تیسرے فریق) کی درخواستیں نمٹاتے ہوئے انہیں متعلقہ فورم سے رجوع کرنے کی ہدایت کی ہے۔