کراچی میں مویشی منڈیاں لگانے کی اجازت؛ کمشنر کراچی نے 5 مقامات کی منظوری دے دی

کراچی میٹروپولیٹن کارپوریشن (کے ایم سی) کو شہر میں مویشی منڈیاں لگانے کی اجازت دے دی گئی۔
کمشنر کراچی کی جانب سے جاری نوٹیفکیشن کے مطابق شہر کے 5 مقامات پر مویشی منڈیاں قائم کی جائیں گی، جن میں نارتھ کراچی کا اتوار بازار، کے ایم سی گراؤنڈ، سفاری پارک کراچی اور گلستانِ جوہر بلاک 5 اور 6 شامل ہیں۔

نوٹیفکیشن میں مزید کہا گیا ہے کہ لیاری کی بکرا پیڑی اور کورنگی کے خالی پلاٹ پر بھی مویشی منڈی قائم کی جائے گی۔

واضح رہے کہ کے ایم سی نے ابتدائی طور پر شہر میں 11 مقامات پر مویشی منڈیاں قائم کرنے کی اجازت طلب کی تھی، تاہم کمشنر کراچی نے فی الحال 5 مقامات کی منظوری دی ہے۔