اسلام آباد اور راولپنڈی میں زلزلے کے جھٹکے، شدت 5.2 ریکارڈ

وفاقی دارالحکومت اسلام آباد اور راولپنڈی سمیت گردونواح میں زلزلے کے شدید جھٹکے محسوس کیے گئے ہیں، جس کی ریکٹر سکیل پر شدت 5.2 ریکارڈ کی گئی۔ زلزلہ پیما مرکز کے مطابق اس زلزلے کا مرکز تاجکستان اور چین کا سرحدی علاقہ تھا، جبکہ اس کی گہرائی 128 کلومیٹر ریکارڈ کی گئی ہے۔ خوش قسمتی سے ابتدائی اطلاعات کے مطابق کسی جانی یا مالی نقصان کی اطلاع موصول نہیں ہوئی ہے۔ اس سے قبل بلوچستان کے ضلع خضدار میں بھی 3.9 شدت کا زلزلہ محسوس کیا گیا جس کی گہرائی محض 10 کلومیٹر تھی۔