ملک کے میدانی علاقوں میں سورج کی تپش برقرار؛ بالائی علاقوں میں بارش اور گلیشیئر پگھلنے کا الرٹ

محکمہ موسمیات کے مطابق ملک کے بیشتر میدانی اضلاع میں سورج آگ برسا رہا ہے اور درجہ حرارت میں نمایاں اضافہ ریکارڈ کیا گیا ہے۔ سندھ کے شہروں بدین اور حیدرآباد میں پارہ 44 ڈگری تک پہنچ گیا ہے، جبکہ جنوبی پنجاب اور بلوچستان کے اضلاع بھی شدید گرمی کی لپیٹ میں ہیں۔ دوسری جانب، خیبرپختونخوا، کشمیر اور گلگت بلتستان میں گرج چمک کے ساتھ بارش کی پیشگوئی کی گئی ہے۔ اسلام آباد میں مطلع جزوی ابر آلود رہنے کا امکان ہے۔ این ڈی ایم اے نے بالائی علاقوں میں گلیشیئر پگھلنے کے باعث دریاؤں میں پانی کے بہاؤ میں اضافے کا خدشہ ظاہر کرتے ہوئے سیاحوں کو احتیاط کی ہدایت کی ہے۔