وزیراعظم کی نئے عراقی ہم منصب کو مبارکباد، تعلقات مضبوط بنانے کا عزم

وزیر اعظم محمد شہباز شریف نے عراق کے نئے وزیر اعظم علی الزیدی کو عہدہ سنبھالنے پر دلی مبارکباد پیش کی ہے۔ سماجی رابطے کی ویب سائٹ ‘ایکس’ (سابقہ ٹویٹر) پر جاری کردہ اپنے ایک پیغام میں وزیر اعظم نے علی الزیدی کو “اپنا بھائی” قرار دیتے ہوئے ان کے لیے نیک خواہشات کا اظہار کیا۔ شہباز شریف نے کہا کہ پاکستان، عراق کی نئی حکومت کے ساتھ قریبی تعاون کا خواہاں ہے۔ انہوں نے اس عزم کا اعادہ کیا کہ دونوں ممالک دوطرفہ تعلقات کو مزید وسعت دینے اور خطے میں امن، استحکام اور خوشحالی کے مشترکہ اہداف کے حصول کے لیے مل کر کام کریں گے۔