محکمہ موسمیات کی آج سےبالائی اور وسطی علاقوں میں بارشوں کے نئے سلسلے کی پیشگوئی

محکمہ موسمیات کے مطابق آج سے 4 مئی تک ملک کے بالائی اور وسطی علاقوں میں آندھی اور بارش کا امکان ہے۔ اسلام آباد، پنجاب، بلوچستان، آزاد کشمیر اور گلگت بلتستان کے مختلف اضلاع میں وقفے وقفے سے بارش متوقع ہے، جبکہ سندھ کے علاقوں سکھر، لاڑکانہ، دادو اور جیکب آباد میں بھی آج اور کل بادل برس سکتے ہیں۔ پی ڈی ایم اے نے خبردار کیا ہے کہ خیبر پختونخوا کے بالائی اضلاع میں شدید بارشوں کے باعث لینڈ سلائیڈنگ اور ندی نالوں میں طغیانی آ سکتی ہے، جبکہ پشاور، مردان اور نوشہرہ جیسے میدانی علاقوں میں اربن فلڈنگ کا خدشہ ہے۔