LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سٹاک مارکیٹ میں تیزی، کاروبار کا مثبت رجحان رہا بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں

حکومت کا ملک بھر میں ‘یومِ دعا’ منانے کا اعلان: امریکہ ایران جنگ بندی کے لیے پاکستانی کوششیں عالمی سطح پر تسلیم

Web Desk

8 April 2026

وفاقی وزیر قانون اعظم نذیر تارڑ نے سینیٹ اجلاس کے دوران خطاب کرتے ہوئے اعلان کیا ہے کہ وفاقی کابینہ نے خطے میں پائیدار امن اور استحکام کے لیے جمعے کو ملک بھر میں ‘یومِ دعا’ منانے کا فیصلہ کیا ہے۔ انہوں نے ایوان کو بتایا کہ وزیراعظم شہباز شریف، صدر آصف علی زرداری اور آرمی چیف کی مشترکہ کوششوں کے نتیجے میں امریکہ اور ایران جنگ بندی پر آمادہ ہوئے ہیں، جسے عالمی سطح پر ایک بڑی سفارتی کامیابی کے طور پر تسلیم کیا جا رہا ہے۔ اعظم نذیر تارڑ نے کہا کہ اللہ تعالیٰ نے اسلام آباد کو ان اہم مذاکرات کی میزبانی کی عزت بخشی ہے، اور امریکہ و ایران نے پاکستان کی مخلصانہ کاوشوں کو مدِ نظر رکھتے ہوئے تباہی کے بجائے مذاکرات کا راستہ منتخب کیا ہے۔

وزیر قانون نے مزید کہا کہ جس طرح بھارت کی مسلط کردہ جنگوں میں اللہ تعالیٰ نے پاکستان کی مدد فرمائی، اب بھی وہی رب پاکستان کا حامی و ناصر ہوگا۔ انہوں نے اپوزیشن سے درخواست کی کہ اس قومی معاملے پر پورا ایوان یک زبان ہو کر اتحاد کا مظاہرہ کرے۔ وفاقی کابینہ کے اجلاس میں امریکہ اور ایران کے فیصلے کو خوش آئند قرار دیتے ہوئے اعظم نذیر تارڑ نے پوری قوم سے اپیل کی کہ جمعہ کے روز پاکستانی پرچم کی سربلندی اور مذاکرات کی حتمی کامیابی کے لیے خصوصی اجتماعی دعائیں کی جائیں۔ ان کا کہنا تھا کہ یہ کامیابی محض حکومت کی نہیں بلکہ پوری پاکستانی قوم کے وقار کی علامت ہے۔