ٹانک سے ریسکیو1122کے 3اہلکار اغوا، تلاش کےلیے پولیس کاسرچ آپریشن جاری

خیبرپختونخوا کے علاقے ٹانک سے ریسکیو1122کے تین اہلکاروں کو اغواکرلیاگیا۔پولیس کے مطابق مغویوں میں ریسکیو1122کے ڈسٹرکٹ آفیسر وقاص عالم، پی اے مدثر اور جونیئرکلرک افتخار شامل ہیں۔  تینوں اہلکار سرکاری گاڑی نمبر 1404 پر ٹانک سے ڈیرہ اسماعیل خان کے لیے روانہ ہوئے تھے۔

پولیس کاکہناہے کہ روانگی کے بعدسے  تینوں اہلکاروں کے موبائل فون بندہیں اوران سے رابطہ منقطع ہے۔ صورتحال سے ان کے اہل خانہ شدید تشویش میں مبتلاہوگئے ہیں۔پولیس کے مطابق واقعے کی تحقیقات اور مغوی اہلکاروں کی تلاش کے لیے سرچ آپریشن جاری ہے۔