ٹرمپ کا وٹکوف،کشنرکو اسلام آبادبھیجنے کافیصلہ،وینس کے فی الحال پاکستان جانے کاامکان نہیں،امریکی ٹی وی

امریکی صدر نے اپنے نمائندہ خصوصی اسٹیووٹکوف اورداماد جیرڈ کشنرکو ایرانی وزیرخارجہ عباس عراقچی سے بات چیت کےلیے پاکستان بھیجنے کا فیصلہ کیاہے۔ امریکی ٹی وی سی این این کا ٹرمپ انتظامیہ کے دواہلکاروں کے حوالے سے دعویٰ۔

وائٹ ہاؤس کے ایک  اہلکارکے مطابق نائب صدرجے ڈی وینس کا فی الحال ایرانی وزیرخارجہ سے بات چیت کےلیے اسلام آبادجانے کا ارادہ نہیں کیونکہ مذاکرات کے پہلے دورکے ایران وفد کے سربراہ اسپیکر باقر قالیباف بھی اسلام آباد نہیں آرہے۔۔اسی تناظرمیں امریکی وفد کے سربراہ جے ڈی وینس کے دورہ پاکستان کو حتمی شکل نہیں دی گئی۔

سی این این کے مطابق امریکی اہلکارنے کہاکہ اگر امریکی نمائندوں اور ایرانی وزیرخارجہ کے درمیان بات چیت میں پیش رفت ہوئی تو امریکی نائب صدر اسلام آبادجانے کےلیے تیارہوں گے۔