افغانستان کی جنوبی وزیرستان میں اشتعال انگیزی، پاک فوج کی بروقت کارروائی میں پوسٹیں تباہ

جنوبی وزیرستان کے علاقے انگور اڈہ زلول خیل میں افغان فورسز کی جانب سے کی جانے والی اشتعال انگیزی پر پاک فوج نے بروقت اور مؤثر کارروائی کرتے ہوئے سرحد پار متعدد چیک پوسٹیں تباہ کر دیں۔ذرائع کے مطابق، جنوبی وزیرستان میں پاک فوج کی مستعدی کے باعث دراندازی کی تمام کوششیں ناکام ہونے کے بعد افغان طالبان نے بوکھلاہٹ میں سول آبادی کو نشانہ بنایا۔ افغان جانب سے کی جانے والی اندھا دھند فائرنگ کے نتیجے میں دو خواتین سمیت تین شہری زخمی ہو گئے، جنہیں فوری طور پر طبی امداد کے لیے وانا ہسپتال منتقل کر دیا گیا ہے۔آپریشن ‘غضب للحق’ کی کامیابی: سیکیورٹی حکام کا کہنا ہے کہ آپریشن غضب للحق کے تحت کی جانے والی مؤثر کارروائیوں نے سرحد پار شر پسند عناصر کے حوصلے پست کر دیے ہیں۔ دراندازی میں ناکامی کے بعد شہری آبادی کو نشانہ بنانا دشمن کی شکست کا واضح ثبوت ہے۔