شاہد خاقان عباسی اور مفتاح اسماعیل کی سندھ حکومت پر کڑی تنقید؛ کراچی کی بدحالی لا ذمے دار کون۔۔؟

سابق وزیرِ اعظم شاہد خاقان عباسی اور مفتاح اسماعیل نے کراچی میں پریس کانفرنس کرتے ہوئے سندھ حکومت کی 17 سالہ کارکردگی پر شدید سوالات اٹھا دیے ہیں۔ شاہد خاقان عباسی نے کہا کہ کراچی جیسے بڑے شہر کی بدحالی ملک کے لیے بدنصیبی ہے، یونیورسٹی روڈ جیسی اہم سڑک کا ٹھیکہ 5 سال گزرنے کے باوجود مکمل نہ ہونا ایک معمہ ہے۔ انہوں نے الزام عائد کیا کہ ملک میں کرپشن اور لوٹ کھسوٹ کی ایسی مثال تاریخ میں نہیں ملتی، جس کا پیسہ لندن اور دبئی کے محلات میں جا رہا ہے۔ مفتاح اسماعیل نے کہا کہ کراچی ترقی کرے گا تو ہی پاکستان ترقی کرے گا، مگر یہاں پانی کی کمی نہیں بلکہ فراہمی کا مسئلہ ہے اور ٹینکر مافیا راج کر رہی ہے۔ رہنماؤں نے خبردار کیا کہ وفاق کنگال ہو چکا ہے اور تمام وسائل صوبوں کے پاس ہونے کے باوجود عوام اسکول، صحت اور بنیادی انفراسٹرکچر جیسی سہولیات سے محروم ہیں۔