سینیٹ اجلاس: اپوزیشن لیڈر راجہ ناصر عباس کا امریکہ اور اسرائیل کی شکست کا جشن منانے کا مطالبہ، سیاسی قیدیوں کی رہائی کی اپیل
Web Desk
8 April 2026
سینیٹ اجلاس کے دوران اظہارِ خیال کرتے ہوئے اپوزیشن لیڈر علامہ راجہ ناصر عباس نے امریکہ اور ایران کے درمیان جنگ بندی کو امریکہ کی اخلاقی اور عسکری شکست قرار دیتے ہوئے اس کا جشن منانے کا مطالبہ کیا ہے۔ انہوں نے کہا کہ امریکہ نے ایران پر حملے کے دوران تمام عالمی قوانین کی دھجیاں اڑائیں اور معصوم بچوں کو نشانہ بنا کر جنگ کا آغاز کیا، لیکن ایرانی قوم نے قیادت کی شہادتوں کے باوجود ثابت قدمی دکھائی اور دشمن کے منصوبوں کو خاک میں ملا دیا۔ ان کا کہنا تھا کہ امریکہ مذاکرات کی میز پر خوشی سے نہیں بلکہ مجبور ہو کر آیا ہے اور اس جنگ کو روکنے کے لیے جس نے بھی کردار ادا کیا وہ شکریے کا مستحق ہے۔
راجہ ناصر عباس نے ملکی صورتحال پر بات کرتے ہوئے زور دیا کہ عدل کے بغیر امن کا قیام ناممکن ہے اور پاکستان کو موجودہ بحرانوں سے نکالنے کا واحد راستہ قانون کی حکمرانی ہے۔ انہوں نے حکومت سے مطالبہ کیا کہ سیاسی قیدیوں کے ساتھ عزت و احترام کا رویہ اپنایا جائے اور شاہ محمود قریشی، عمر سرفراز چیمہ اور اعجاز چوہدری جیسے رہنماؤں کو رہا کیا جائے، کیونکہ وہ دہشت گرد نہیں ہیں۔ انہوں نے بانی پی ٹی آئی کے ساتھ انصاف کرنے پر زور دیتے ہوئے کہا کہ ملک کو آگے بڑھانے کے لیے بات چیت اور چیزوں کو درست کرنے کی ضرورت ہے۔ اپوزیشن لیڈر نے پاکستانی عوام کا بھی شکریہ ادا کیا جو ہر مشکل گھڑی میں مظلوموں کے ساتھ کھڑے رہے۔
متعلقہ عنوانات
ٹک ٹاک کی پاکستان میں 2025 ء کی چوتھی سہ ماہی کے لیے کمیونٹی گائیڈ لائنز کے نفاذ کی رپورٹ جاری
14 April 2026
بحری ناکہ بندی کا امریکی فیصلہ غیرقانونی اور اشتعال انگیز، ایرانی سفیررضاامیری
14 April 2026
پاکستان میں معاشی شرح نموسست، مہنگائی میں اضافے کا خدشہ،آئی ایم ایف کی آؤٹ لک رپورٹ
14 April 2026
پاور ڈویژن کا پیک آورز میں روزانہ سوا 2 گھنٹے بجلی کی لوڈشیڈنگ کا اعلان
14 April 2026
صدرزرداری سے وزیراعظم کی ملاقات، پاک ایران مذاکرات کے تمام پہلوؤں پر اعتماد میں لیا
14 April 2026
وزیراعظم شہباز شریف کل سعودی عرب روانہ ہوں گے؛ ایک ماہ میں دوسرا دورہ
14 April 2026
اسحاق ڈار کی یورپی یونین خارجہ امور سے رابطہ، پاکستان کے سفارتی کردار کو سراہا گیا
14 April 2026
پاک فضائیہ جدید ٹیکنالوجی سے لیس مضبوط فورس ہے: نیول چیف ایڈمرل نوید اشرف
14 April 2026