پاکستان کو موقع کا فائدہ اٹھاتے ہوئے معیشت کو مضبوط کرنا چاہئے: مسعود خان

آزاد کشمیر کے سابق صدر اور امریکہ میں پاکستان کے سابق سفیر سردار مسعود خان نے اسلام آباد میں ہونے والے ایران امریکہ مذاکرات کو پاکستان کی خارجہ پالیسی اور سفارت کاری کا نقطہ عروج قرار دیا ہے۔ دنیا نیوز سے خصوصی گفتگو کرتے ہوئے انہوں نے کہا کہ یہ پاکستان کی بہت بڑی کامیابی ہے کہ وہ امریکہ اور ایران جیسی عالمی طاقتوں کی سنجیدہ قیادت کو مذاکرات کی میز پر لانے میں کامیاب رہا۔ انہوں نے اس تاریخی موقع پر پاکستانی قوم اور ریاست کو خراجِ تحسین پیش کرتے ہوئے کہا کہ ان مذاکرات سے نہ صرف علاقائی تناؤ کم ہوگا بلکہ عالمی معیشت میں بھی استحکام آئے گا۔

سردار مسعود خان نے “اسلام آباد سٹی آف پیس” (Islamabad City of Peace) میں ہونے والے ان مذاکرات کے حوالے سے کہا کہ پاکستان نے ایران کے ساتھ ہمیشہ اپنے تعلقات کو بہترین طریقے سے نبھایا ہے، یہی وجہ ہے کہ آج دنیا ہمیں ایک قابلِ اعتماد ثالث کی نظر سے دیکھ رہی ہے۔ ان کا کہنا تھا کہ یہ ایک مشکل ہدف تھا جسے پاکستان نے اپنی حکمتِ عملی سے حاصل کیا، اور اب وقت آ گیا ہے کہ پاکستان اس عالمی وقار اور کامیابی سے فائدہ اٹھاتے ہوئے اپنی معیشت کو مستحکم کرنے پر توجہ مرکوز کرے۔

سابق سفیر نے مزید کہا کہ کامیاب سفارت کاری کے نتیجے میں پاکستان کے لیے شمال اور جنوب سے ترقی کے نئے دروازے کھل گئے ہیں۔ انہوں نے ایک پرامید وژن پیش کرتے ہوئے کہا کہ آج پاکستان عالمی سیاست میں جس باوقار مقام پر کھڑا ہے، اسے آنے والے چند برسوں میں دنیا کی 10 بڑی معیشتوں میں شامل ہونا چاہیے۔ ماہرینِ خارجہ امور سردار مسعود خان کے اس بیان کو موجودہ صورتحال میں پاکستان کے تزویراتی (Strategic) وزن کی عالمی سطح پر بڑھتی ہوئی اہمیت کا اعتراف قرار دے رہے