پنجاب میں لڑکی کی شادی کی عمر کم سے کم 18 سال مقرر، اسمبلی میں بل منظور

پنجاب اسمبلی نے لڑکیوں کی 18 سال سے کم عمری کی شادی پر پابندی کا بل کثرت رائے سے منظور کرلیا۔پنجاب اسمبلی کے اجلاس میں وزیربرائے پارلیمانی امور نے دی پنجاب میرج ریسٹرنٹ بل 2026 پیش کیا جس کو ایوان نے بحث کے بعد کثرت رائے سے منظور کرلیا۔

بل میں پنجاب بھر میں لڑکیوں کی شادی کی عمر اٹھارہ سال مقرر کرنے کی تجویز کی گئی ہے۔کم عمری میں شادی کے بل پر حکومتی رکن ذوالفقار علی شاہ نے احتجاج کرتے ہوئے کہا کہ 18سال سے پہلے شادی کےلئے عدالت سے اجازت لینے کا مطالبہ کیا۔

وزیر اطلاعات عظمیٰ بخاری نے حکومتی رکن کے اعتراض پر کہا کہ چھوٹی بچیوں کوپتہ نہیں ہوتا کہ ان کی شادیاں ہو رہی ہیں، اسلامی شریعت کورٹ نے سندھ اسمبلی کے بل کی حوصلہ افزائی کی۔

عظمیٰ بخاری کامزیدکہناتھاکہ شادی کےلیے  اگر شناختی کارڈ نہیں تو برتھ سرٹیفکیٹ ہونے چاہیں، شہبازشریف دور میں شادی کےلیے سولہ سال عمر تھی جسے اب اٹھارہ سال کیا جا رہا ہے۔عظمی بخاری کی جانب سے توجہ دلانے پراسپیکر نے تمام ارکان اسمبلی کو بل کی کاپیاں فوری دینے کی ہدایت کی گئی۔